PAMMUJI 11:7 - KITTA' MATANGKASA'

⁷ Saba' Batara bajiki na adele' Nakamaseangi tau a'gau' bajika; tau lambusuka laNaciniki siagang laNaassengi Batara.

PAMMUJI 11:7 Referans Kwoze

PAPPICINI' 22:4

siagang lanacini'mi ke'nanga rupanNa Allata'ala. Latattulisi'mi arenNa Allata'ala ri tompo' kanynyinna ke'nanga.

PAMMUJI 17:15

Mingka lamacconga' accini' mae ri Katte, lanri tena nakusala. Ri wattungku ambangung, kahaderanTa ampakarannui pa'maikku.

1 PETRUS 3:12

Nasaba' tuli Naparhatikangi Batara tau anturukiai ero'Na, tuli Napilangngeri pappala' doanganna ke'nanga; mingka Nabaliangi sikamma tau anggaukangai kaja'dallanga.”

PAMMUJI 45:7

Nasareko koasa Allata'ala untu' ammarenta, attahangi koasanu satunggu-tungguna; ammarentako' siagang adele' mae ri ra'ya'nu.

AYUB 36:7

Naparhatikangi tau lambusuka, Napa'jari koasai ke'nanga sangkamma karaeng, sa'genna nipakala'biri' ke'nanga satunggu-tungguna.

1 YOHANES 3:2

Sikamma sari'battangku sannaka kukarimangnginna! Ikatte kamma-kamma anne ana'-ana'Na maki' Allata'ala, mingka antekamma kajarianta sallang, tenapa na'nassa. Mingka niassengi angkanaya punna battu sallang Almasi, la'jari sangkamma maki' Ia, nasaba' lanicini'mi kalenta sitojeng-tojennaya.

PAMMUJI 42:5

Punna kuu'rangi wattu riolo si'nai pa'maikku, ri wattungku mange ri Balla'Na Batara ri Yerusalem siagang tau jaia appare' passua'-suarrang. A'jappa' ri dallekanna barisang tau jaia akkio' rannu akkelong lagu pammuji.

PAMMUJI 34:15

Pakabellai kalennu battu ri ja'dalaka, gaukangi bajika, usahakangi passiamakkanga sipikulle-kullenu.

PAMMUJI 33:18

Najagai Batara tu mappilangngeria ia manrannuanga ri pangngamaseanNa.

PAMMUJI 99:4

Ri Kattemi kakoasanga, o, Karaeng mangngaia ri hukkung; iKatte ampaentengi katojenganga; iKatte ampajappai hukkunga siagang kaadelanga ri Israel.

PAMMUJI 33:5

Nangai kalambusanga siagang kaadelanga; sikontu linoa rassi siagang pangngamaseanNa.

PAMMUJI 21:6

Lanri pannulunTa nasanna'mo nipakala'biri'na, Kipa'jari masahoro' siagang accaya.

PAMMUJI 5:12

Poro rannu pa'mai' ngaseng tu ma'la'langa ri Katte na tuli ma'reja-reja satunggu-tungguna. La'langi sikamma tu mangngaia ri Katte, sollanna rannu ke'nanga lanri iKatte.

YESAYA 61:8

Nakana Batara, “INakke Kungai kaadelanga na Kukabirisi panjallakkanga siagang kaja'dallanga. LamajarreKa' assareko pahalanu, siagang appare' parjanjiang mannannungang siagang ikau.

PAMMUJI 146:8

siagang ampa'jari tau butaya akkulle accini'. Napabangungi tau tu'guruka, siagang Nakamaseangi tau lambusuka.

PAMMUJI 7:9

IKatte angngadeli umma' rupataua; Kisarea' kaadelang, o Batara, saba' tena kusala.

PAMMUJI 7:11

Pa'la'langangku iamintu Allata'ala ampasalamakai tu lambusu' pa'maika.

PAMMUJI 37:28

Saba' Nangai Batara panggaukang bajika siagang adeleka, tena Nabalang parekangi ta'ronang tau majarreka ri Ia. Najagai ke'nanga satunggu-tungguna, mingka natumpasaki turunganna tu ja'dalaka.

PAMMUJI 45:8

Nungai katojenganga siagang nukabirisi kaja'dallanga; lanri kammana, Allata'ala, Allata'alata Napile mako, siagang Napakate'ne mako la'biangang na karaeng maraenga.

PANGNGEBARANG 15:9

Birisiki Batara ri batena attallasa' tau dorakaya, mingka Nakamaseangi tau usahaya anggaukangi ero'Na.