PAMMUJI 11:1 - KITTA' MATANGKASA'

¹ Untu' pamimping pakelong. Pammujina Daud. Ma'la'langa' ri Batara; tena matu-matunna makkana ri nakke, “Pasalamaki kalennu sanrapang jangang-jangang anri'baka mange ri moncong.

PAMMUJI 11:1 Referans Kwoze

PAMMUJI 56:11

Mammujia' mae ri Karaeng Allata'ala, lanri apa le'baka Napa'janjiang.

PAMMUJI 25:2

o, Allata'alaku, matappaka' ri Katte! TeaKi' lappassangia' nipakasiri', na nigorai ri musu-musungku.

1 SAMUEL 23:14

Le'baki anjo ammantammi Daud ri kali'bong-kalibong niaka ri monconga, ri parang lompona Zif. Tuli niondang mange-mangemi ri Saul, mingka tanipassareangai mae ri anjo karaenga.

LUKAS 13:31

Anjo todong wattua, nia'mo siapa are tu Farisi battu mae ri Isa na nakana, “TeaKo ammantangngi anrinni! A'lampaKo mange ri tampa' maraenga, nasaba' eroki Herodes ambunoKo.”

PANGNGEBARANG 6:5

Lappassangi kalennu battu ri anjo sikkoka sanrapang jangang-jangang yareka kijang ta'lappasaka battu ri tau ammuranga.

PAMMUJI 16:1

Pammujina Daud. Jagaia', o, Allata'ala, saba' iKattemi kupa'la'langi.

2 PATTOTTORANG 16:8

Sai anjo tantarana tu Sudan siagang Libia la'bi lompoangangi siagang la'bi jaiangangi kareta bundu'na siagang tantara pajaranna? Na manna kamma mamo Nasarejako pammetang Batara mae ri ke'nanga, lanri tanjengko mae ri Ia.

PAMMUJI 31:14

Ri kere-keremae nia' apa appakamalla' dudu kulangngere' kabara'-kabara' anging battu ri musungku. Assikongkoloki ke'nanga ambalianga', appareki rancana untu' ambunoa'.

PAMMUJI 9:10

Batara pa'la'langanna tu nijallakkanga, tampa' pa'la'langanna ri wattu kasusaanga.

PAMMUJI 7:1

Piraunna Daud, nakelongang ri Batara lanri Kus, tu Benyamin.

2 PATTOTTORANG 14:11

Nampa appala' doang Asa ri Karaeng Allata'alana, nakana, “O Batara, iKatteji bawang akkulle ambantui tau lammaya andallekangi tau kassaka. Kitulung laloi ikambe kamma-kamma anne, o Karaeng Allata'alana ikambe! Ri Katteji bawang tanjeng ikambe, siagang lanri arenTa bawang nassulu' anne ikambe untu' angngewai anne pasukang sannaka lompona. O Batara, iKatteji bawang Allata'alana ikambe. TeaKi' pa'biangngi KalenTa nibeta ri se'reang rupatau.”

1 SAMUEL 20:38

Akkaro-karoko sike'de', teako takkajannakki!” Narappummi anjo anaka panaya nampa ammotere' mange ri karaenna.

1 SAMUEL 27:1

Appikkiri'mi lalang ri atinna Daud angkana, “Manna pole antekamma, ri se'reang allo lanabuno tonja' Saul. Jari tena oloang maraeng ri nakke, pantaranganna laria mange ri pa'rasangang Filistin. Lanri kammana anjo talanaboyaiyama' Saul ri Israel, siagang laamang tommi kusa'ring.”

1 SAMUEL 22:3

Battu anjoreng ri kali'bonga a'lampami Daud mange ri Mizpa ri daera Moab. Nampa nakana ri karaeng pa'rasangang Moab, “Kisarei ising manggena siagang amma'na atanta ammantang ri katte, sa'genna naasseng angkana apa ero'Na Allata'ala mae ri atanta.”

1 SAMUEL 19:11

Anjo memang bangngia nasuromi Saul siapa are tau mange angngodoki Daud ri balla'na siagang ambunoi punna bari'basamo. Mingka nakanamo Mikhal bainenna ri ia, “Punna tena nulari anne bangngia, ammuko bari'basa' tena tanibunonu.”

NEHEMIA 6:11

Mingka appialima' angkana, “Inakke anne takungaiai laria. Inakke tau biasaja', jari takkullea' antama' ri Balla'Na Batara ri Yerusalem, matea' sallang. Tena, tena nakuero'!”

PAMMUJI 7:2

O, Batara Allata'alaku, iKatte kupa'la'langi; Kipasalamaka' siagang Kilappassanga' battu ri sikontu tau angngondanga'.

YEREMIA 48:14

Antekamma nakkulle barani tu bura'nena Moab angkana, ‘Ikambe tubarani, tantara pore, le'baka niso'ri lalang pa'bundukang?’