PAMMUJI 109:5 - KITTA' MATANGKASA'

⁵ Nabalasaki ke'nanga kabajikangku siagang kaja'dallang, pangngamaseangku siagang kabirisang.

PAMMUJI 109:5 Referans Kwoze

PANGNGEBARANG 17:13

Inai ambalasaki kabajikanga siagang kaja'dallang, takkulle tongangngai nipasulu' kaja'dallanga battu lalang ri balla'na.

PAMMUJI 38:20

Jai siagang kassaki sikamma tau ambalianga', birisiki ke'nanga anciniki bateku attallasa'.

PA'JARIANG 44:4

Tenapa nabella ke'nanga battu ri kotaya anjo, nakanamo Yusuf ri kapala palayanna, “Ondangi linta' anjo taua. Punna nurapi' ke'nanga, angkana mako ri ke'nanga angkana, ‘Angngapa nubalasaki kabajikanga siagang kaja'dallang?

YOHANES 13:18

Tena nanataba ngasengko anne apa Kupabattua. Kuassemmi angkanaya inai-nai le'ba' Kupilei. Mingka musti a'rupai apa niaka tattulisi' lalang ri Kittaka, iamintu, ‘Tau Kuaganga sipangnganreang, la'jari musui ri Nakke.’

LUKAS 6:16

Yudas ana'na Yakobus siagang Yudas Iskariot ambalukangai Isa sallang.

2 SAMUEL 15:31

Ri wattunna nipauang Daud angkanaya amminawang tongi Ahitofel assikongkolo' siagang Absalom, appala' doammi Daud kamma anne, “O, Batara, poro tena lalo Kipa'jari kana-kananna Ahitofel!”

2 SAMUEL 15:12

Nampa lalang assarena Absalom koro'bang, akkiring tommi tunisuro mange ri kota Gilo untu' angkioki Ahitofel, iamintu tumailalanna Karaeng Daud. Kammaminjo passikongkolanga napila' kassa'mo ero' angngewai karaenga, siagang pila' jaimi tau amminawang ri Absalom.

1 SAMUEL 19:5

Le'ba'mi nasaung nyawana wattunna nabuno Goliat, na nisaremo pammetang lompo tu Israel tete ri ia. Kalenta anciniki anjo apa le'baka kajariang, siagang rannumi pa'maitta anjo wattua. Jari angngapa nakiero' kamma-kamma anne ansessai tau tenaya kasalanna siagang ambunoi anjo Daud natena apa-apa saba'na?”

YEREMIA 18:20

Maka siratangi kabajikanga nibalasa' siagang kaja'dallang? Mingka le'ba'mi ke'nanga angngeke kali'bong sollanna kutu'guru' antama. Kiu'rangi angkanaya le'ba'mi ke'nanga kualle-alleang ri dallekanTa, sollanna tena Kilarro mae ri ke'nanga.