PAMMUJI 109:22 - KITTA' MATANGKASA'

²² Nasaba' kasi-asia' na kupa'risi', siagang loko' lantangi atingku.

PAMMUJI 109:22 Referans Kwoze

PAMMUJI 86:1

Pappala' doanna Daud. Kipilangngeri pappala' doangku, o, Batara, siagang Kipiali laloa', saba' kasi-asia' na kulamma.

PAMMUJI 102:4

Tappelaki tallasakku sanrapang umbu; a'barai buku-bukungku sanrapang pepe'.

PAMMUJI 40:17

Poro sikontu tau anynyombaya ri Katte marannu siagang ma'reja-reja, na sikontu tau mangngaia ri kasalamakkang battua ri Katte tuli nakana, “Tojeng, Malompoi Batara!”

PAMMUJI 22:6

Akkioki ke'nanga ri Katte na Kilappassang ke'nanga; manrannuangi ke'nanga na tena Kipassalasai.

2 KORINTUS 8:9

Nasaba' baji' ngaseng nuassenna angkanaya teai sipato' nikarimangnginta ri Isa Almasi Batarata: Kalumanynyangi, mingka Napa'jari kasi-asimi KalenNa untu' kaparalluannu ngaseng; sollanna battu ri kakasi-asianNa nukkulle a'jari kalumanynyang.

YOHANES 12:27

“Lussa'minne atingKu: apa musti laKupau kamma-kamma anne? Mustika laKukana, ‘Bapa', paliliA' ri kamma-kammaya anne’? Mingka untu' iaminne passessaya naKunia' battu.

MATIUS 8:20

Appialimi Isa Nakana, “Kongkong romanga nia' pammantanganna; kammayatompa jangang-janganga nia' ru'munna. Mingka Ana' Ma'rupataua manna laNapappadongkoki ulu tena todong.”

YESAYA 53:3

Nihinai siagang nililiangi, tau tuli sessaya siagang biasaya antanggongi pa'risika. Tena manna sitau ero' anciniki, siagang ikatte tena todong nijampangi.

PAMMUJI 109:16

Saba' anjo taua tale'bakai nau'rangi untu' ampappicinikangi mangamaseanga. Nasessai tu kasi-asia siagang tau pa'risika, siagang nabunoi tau tenaya pakkullena.

AYUB 6:4

Pana battua ri Kaminang Koasaya natarrusuki kalengku; a'la'bangi racunna ri sikontu nyawa siagang batangkalengku. KahebakkanNa Allata'ala sanna' appakamalla'na, na battu ambakkaia' sanrapang pasukang musu.

2 KARAENG-KARAENG 4:27

Mingka ri wattunna battu mange ri dallekanna Elisa, su'ju'mi nampa naraka' bangkenna Elisa. Eroki Gehazi ampakabellai anjo bainea battu anjoreng, mingka nakanamo Elisa, “Lappassangi! Sanna' susana nyawana kucini'. Mingka tena apa-apa Napauanga' Batara!”

PAMMUJI 25:16

Cinikia', siagang kamaseanga', saba' Napasalamakka' battu ri bahayaya.