PAMMUJI 108:13 - KITTA' MATANGKASA'

¹³ Kitulungi ikambe mae ri musua, saba' tena matu-matunna bantuanna rupataua.

PAMMUJI 108:13 Referans Kwoze

PAMMUJI 60:12

O, Allata'ala, tenaka Kimminawang siagang ikambe? Tenaka Kimaju siagang tantarana ikambe?

2 KORINTUS 2:14

Mingka appala' sukkurukki' mae ri Allata'ala! Lanri Iami tuli ampimpingi ikambe amminawang lalang ri barrisi' passua'-suarrang pammetanNa Almasi lanri asse'rena ikambe mae ri Ia. Nipakemi ikambe ri Allata'ala ampa'la'bangi biritta ri passala'na Almasi, sanrapang bau' a'la'banga rasanna ri kere-keremae.

YESAYA 63:3

“Kale-kalengKu antama' ri pammaccokang anggoroka tena battu ri ummakKu antulungA'. Kuonjo'-onjokangi bansa-bansaya lalang larroKu, rapang tau angngonjo'-onjokanga rappo anggoro'. Tappaccoki cera'na ke'nanga na nabasai bajungKu, nara'massi sikontu pakeangKu.

PAMMUJI 18:42

Ammarrammi ke'nanga, mingka tena antulungi, akkio'mi ke'nanga ri Batara, mingka tena Nappiali.

1 KORINTUS 15:10

Mingka lanri pangngamaseanNa Allata'ala, nakunipa'jarimo sangkamma anne ri kamma-kammaya anne. Siagang tena nasia-sia pammopporanNa Allata'ala mae ri nakke. Ba'lalo inakkemi kaminang anjama terasa' ri sikamma tunisuroa. Mingka sikontutojenna anjo sikammaya teai usahaku; anjo usahaNa Allata'ala, mangngamaseanga mae ri nakke, siagang niaka angngaganga' sipanjamang.

ROMA 16:20

Allata'ala assarei salewangang rupataua; tasalloami naancuru' Billisika nampa naboli' irawangang kakoasannu. Poro tuli nibarakkaki ngasengko ri Batarata Isa Almasi!

YESAYA 25:10

LaNajagai Batara Bulu' Sion, mingka tembo' pattahanganna Moab lanaonjo'-onjokangi rapang rarame ri tampa' loroa.

PAMMUJI 144:1

Battu ri Daud. Pujimi Batara pa'la'langangku! Ia angngajaraka' a'bundu', siagang allatia' assiba'ji.

2 PATTOTTORANG 20:12

IKattemi Allata'alana ikambe! Kihukkung laloi anjo ke'nanga lanri tenana pakkullena ikambe andallekangi tantara kammaya anjo jaina, eroka ambunduki ikambe. Tenamo naassengi apa lanagaukang ikambe, lanri kammanami anjo nabattu ikambe mae ri Katte untu' appala' tulung.”

HAKING-HAKING 15:8

Nampa nabundukimo siagang nasessa-sessami ke'nanga. Jaimi tau ri ke'nanga nabuno. Le'baki anjo, a'lampami mange ammantang ilalang ri se'reang kali'bong batu, irate ri bulu' batua ri Etam.