PAMMUJI 107:43 - KITTA' MATANGKASA'

⁴³ Poro tau bajika nawa-nawana napikkiriki sikamma anjo passalaka siagang namangakui angkanaya tulusu' mangngamaseanNa Batara.

PAMMUJI 107:43 Referans Kwoze

HOSEA 14:9

Lanapelaki tu Israel patung-patung barhalana; laKuparakai ke'nanga naKupilangngeri pappala' doanna. Rapang poko' kayu tuli jaina leko'na, iNakke lalla'langngi ke'nanga. INakkemi kabattuanna sikontu barakkaka mae ri ke'nanga. INakke, Batara, anne akkana.”

YEREMIA 9:12

Akkuta'nanga' angkana, “Batara, angngapa nanibalang parekang anne pa'rasanganga a'jari roso' siagang kalotoro', sangkamma parang luara' tenaya ampanumaloi? Maka nia' akkulle cara'de' untu' ampahangi apa battuanna yangasenna anne? Inai tau le'ba' Kipisingariang sollanna akkulle napatulusu' anjo kasingaranga mae ri tau maraenga?”

PAMMUJI 64:9

Posso'mi ke'nanga lanri bicaranna tonji ke'nanga; yangaseng ancinikai ammenggong ngaseng ulunna.

DANIEL 10:12

Nampa nakana ri nakke, “Daniel, teako mallakki. Nalangngere'mi Allata'ala pappala' doannu appakkaramula ri nutappukinna untu' ampakatunai kalennu sollannu a'jari cara'de'. Battuma' anne a'jari pappiali mae ri pappala' doannu.

YEREMIA 9:24

Inai ero' lompo pa'mai' ri passabakkang apa-apaya, musti lompo pa'maiki passabakkang naassengKu siagang napahangKu; angkanaya naassengi angkana mangngamaseangA' sa'genna satunggu-tungguna na Kupaenteng hukkunga siagang kaadelanga ri lino. Yangasenna anjo napakasannangi atingKu. INakke, Batara, akkana kamma anjo.”

PAMMUJI 50:23

Tau assarea koro'bang sukkuru' salaku koro'banna, iami ampakalompoA', siagang mae ri tau appasadiaya oloang laKupicinikiangi kasalamakkang battua ri Nakke.”

YESAYA 5:12

Nia' ri pa'gaukang-pa'gaukannu sa'ra kacapi, gambusu', rabana, siagang suling, siagang nia' inungang anggoro'. Mingka tena nujampangi bate pa'jariNa Batara siagang apa Nagaukanga.

PAMMUJI 28:5

Tanajampangiai ke'nanga panggaukanNa Batara, yareka apa le'baka Nagaukang. Jari lanihukkummi ke'nanga ri Batara, siagang laniposso'mi ke'nanga sa'genna satunggu-tungguna.

YESAYA 42:20

Israel, jai nucini', mingka tena nuparhatikangi, tassungkei tolinnu, mingka tena nullangngere'.”

YEREMIA 9:11

Nakana Batara, “LaKupa'jari rumbangngang Yerusalem tampa' paccokkoanna kongkong romanga. Kota-kota Yehuda la'jari sinoi, tampa' tenayamo nanipammantangngi.”

DANIEL 12:10

Jai tau laniso'ri siagang lanitangkasi. Ke'nanga ja'dalaka tena nalanapahangi siagang tulusu' la'gau' ja'dala'na; iaji bawang cara'deka lampahangi.