PAMMUJI 107:37 - KITTA' MATANGKASA'

³⁷ Nakiori koko-kokonna ke'nanga na'lamung poko' anggoro', nampa napasse're wassele'na sanna' jaina.

PAMMUJI 107:37 Referans Kwoze

1 KORINTUS 3:7

Jari ia parallua iamintu Allata'ala, nasaba' Iami appattimbo. Tau a'lamunga siagang tau anynyiranga je'ne' tena naparallu;

2 KORINTUS 9:10

Allata'ala ampasadiai bine napakioroka taua siagang kanre niparalluia. Ia tommi ampasadiai siagang ampa'jari jai anjo bine le'baka nupakioro', sa'genna katambang todong wassele'na anjo apa le'baka nupa'lammorang.

ZAKHARIA 8:12

Lappakioroki bine ke'nanga siagang amang. La'rappoi poko'-poko' anggoro'na ke'nanga, lanisarei wassele' ke'nanga battu ri buttaya, siagang laturungi alla'bi-la'bi bosia. Sikontu anjo barakkaka Kupassareangi mae ri sikamma tau attallasaka ija battu ri anne bansaya.

YEREMIA 29:5

‘Ammantang mako antureng. Bangungi balla'nu. Apparekko koko siagang kasia'mi wassele'na.

YESAYA 37:30

Nakiring tongi Yesaya mange ri Hizkia anne pasang angkanaya, “Iaminne la'jari pammatei mae ri kau. Anne taunga siagang taung ri dallekang, langnganrei taua gandung attimboa kalenna. Mingka punna le'baki anjo, akkullei ke'nanga a'lamung gandung siagang anggoro', nampa nakasia' wassele'na.

YEHEZKIEL 28:26

Lattallasaki ke'nanga siagang amang anjoreng, siagang ambangung balla' siagang appareki koko-koko anggoro'. LaKuhukkungi sikamma bansa singngampi'na ke'nanga le'baka anghinai ke'nanga sa'genna a'jari amang Israel. Na naassemmi ke'nanga angkanaya iNakke Batara.”

PA'JARIANG 26:12

Appakioro'mi bine siagang a'lamung-lamummi Ishak anjoreng ri pa'rasanganga. Nanggappamo wassele' a'lappi sibilangngang battu ri apa napakioroka, lanri nibarakkakinna ri Batara.

LAMPA-LAMPANA 14:17

Mingka tena Natakkaluppa ampa'butti kabajikanNa ilalang apa-apa Nagaukanga. Nasare ngasengko bosi battu ri langika, siagang wassele'na buttaya punna narapi' wattunna. Nasareko apa-apa lanukanrea siagang Napakasannangi atinnu.”

YEREMIA 31:5

Lapparekko koko anggoro' ri moncong-monconna Samaria, siagang ia a'lamunga lanagappai rapponna.

YESAYA 65:21

Tau ambangunga balla' na napammantangi kalenna; teai tau maraeng lampammantangi. Lanalamungi ke'nanga siagang poko' anggoro' na nakasia' je'ne' anggoro'na; teai tau maraenga langnginungi. UmmakKu lala'bui umuru'na rapang poko' kayu na nakasia' wassele' karesoanna ke'nanga.