PAMMUJI 107:3 - KITTA' MATANGKASA'

³ Le'ba' mako Napa'rappungang battu pa'rasangang-pa'rasangang maraeng, battu raya siagang ilau', battu wara' siagang timboro'.

PAMMUJI 107:3 Referans Kwoze

PAMMUJI 106:47

Kipasalamaki ikambe, o Karaeng Allata'alana ikambe, Kipa'rappungi ikambe battu ri alla'na bansa-bansaya, sollanna akkulle ikambe appala' sukkuru' siagang mammuji ri areng matangkasatTa.

PAPPICINI' 5:9

Akkelommi ke'nanga se're kelongang beru nakana: “IKattemi siratang angngallei anjo kittaka, siagang anreppeki sege'-segele'na. Nasaba' Ikattemi le'ba' nibuno, na lanri kamateanTa, na le'ba'mo Kiballi sikontu rupataua battu ri a'rupa-rupa suku, bahasa, pa'rasangang, siagang bansa, untu' Kierang ri Allata'ala.

YEREMIA 29:14

Tojeng, lanubuntulukKa'. LaKupasse'reko battu ri tangnga-tangngana tunggala' bansaya siagang battu ri pa'rasangang tampa'nu nipasisa'la'-sala' nipela'. LaKuerangko ammotere' mange ri pa'rasangang kabattuannu anne, siagang laKupakabajiki ammotere' katallassannu. INakke, Batara, anne akkana.’

YEHEZKIEL 39:27

LaKuerangi ke'nanga ammotere' battu ri sikamma pa'rasanganna musunna ke'nanga, siagang la'nassami katangkassangKu mae ri sikontu bansaya, lanri sikamma anjo panggaukangKu.

YEHEZKIEL 36:24

Battu ri tunggala' bansaya siagang pa'rasanganga, laKupa'rappungko nampa Kupoterangko mange ri butta kalennu.

YEREMIA 31:10

Nakana Batara, “Pilangngeri he bansa-bansaya! Pabattu pasangKu mae ri ba'leanna tamparanga: UmmakKu le'baka Kupasisa'la'-sa'la' laKupasse'rei na Kuparakai rapang pakalawaki anjagai gimbala'na.

YEREMIA 31:8

Battu wara' Kuerang ke'nanga ammotere'; Kupasse'rei ke'nanga battu ri cappa'-cappa'na buttaya. Tau butaya siagang tau pesoka lamminawangi ri ke'nanga, kammayatompa baine beru ammanaka siagang tianang salloamo. Labattu ngasengi ke'nanga ammotere' jai sipa'gangngang mae anrinni ri pa'rasanganga.

PAOLE 30:3

laNakamaseang mako Karaeng Allata'alanu. LaNaerangko ammotere' battu ri bansa-bansa nupammantangngia nipasisa'la'-sa'la', nampa nipa'jari salewangangko ammotere' ri katallassannu.

YESAYA 56:8

Kammaminne kananNa Batara Kaminang Tinggia angngantarakai bansa Israel battu ri pa'rasangang pammelakkanga, “LangngerangA' tau maraeng untu' asse're siagang ke'nanga niakamo a'rappungang.”

YESAYA 49:12

Battu bellai ummakKu para battu, battu wara', battu lau' siagang battu ri kota Sinim bageang timboro'.”

YESAYA 54:7

“Sinampe' dudujA' ambokoiko; Kukamaseang duduko siagang Kualleko ammotere'.