PAMMUJI 107:14 - KITTA' MATANGKASA'

¹⁴ Naerangi ke'nanga assulu' battu ri kasassangnganga, nampa Natepo' rante bassi passikko'na ke'nanga.

PAMMUJI 107:14 Referans Kwoze

YESAYA 42:16

BansaKu butaya laKurenrengi angngolo rioloang tenaya naassengi ke'nanga; laKurenrengi ke'nanga ri agang tenaya naassengi ke'nanga. Sassanga Kupa'jari singaraki mae ri ke'nanga, na oloang a'buttu-buttua Kulappari. Iaminjo laKugaukang mae ri ke'nanga, siagang attantumi laKugaukanna.

PAMMUJI 116:16

Inakke anne atanTa, o, Batara, sanrapang ammakku, anynyomba tonga' mae ri Katte Kilappassamma' battu ri tahananga.

EFESUS 5:8

Ikau riolo niakko lalang ri sassanga. Kamma-kamma anne a'jari mako umma'Na Batara; jari nia' mako lalang ri singaraka. Lanri kammana, musti attallasakko lalang singaraka.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.

PAMMUJI 107:10

Nia'mo ammantang lalang ri kasassangnganga, tau sessaya nitahang lalang rante bassia,

YESAYA 61:1

KoasaNa Batara Kaminang Tinggia niaki ri nakke; Napilea' siagang Nasuroa' untu' angngerang kabara' baji' mae ri tau kasi-asia siagang ampammollei tau ancuruka pa'mai'na; untu' ampa'la'bangi mae ri tau nitahanga angkanaya tasalloami nanilappassang ke'nanga, siagang mae ri sikamma tau nitarungkua angkanaya lanipasulu'mi ke'nanga.

LAMPA-LAMPANA 5:25

Tasalloai, nia'mo sitau bura'ne battu angngerang kabara', angkana, “Pilangngeri sai! Anjo tau kitahanga ri tarungkua, kamma-kamma anne nia' ngasengi angngajaraki tau jaia lalang ri Balla'Na Batara!”

LAMPA-LAMPANA 5:19

Mingka ri wattu lantanna bangngia, battumi malaeka'Na Batara assungke ngasengi pakke'bu'na anjo tarungkua, nampa naerang anjo sikamma tunisuroNa Allata'ala assulu'. Nakanamo anjo malaekaka mae ri sikamma anjo tunisuroNa Allata'ala.

LUKAS 13:16

Anrinni nia' sitau baine, sossoranna Abraham, sampulomi assagantuju taung nisessa siagang nisikko' ri Billisi'. Maka takkulleai nila'gasi passikko'na ri Allo Pammari-marianga?”

PAMMUJI 102:20

Acciniki Batara battu rate ri tampa' tinggina, battu ri suruga attoa' naung ri lino

PAMMUJI 68:6

Allata'ala niaka ammantang ri Balla' matangkasa'Na a'jari mangge mae ri ana' kukanga siagang angngagangngangi sikamma jandaya.

AYUB 36:8

Mingka punna nirante bassi taua, sessai lanri panggaukanna tonji,

YESAYA 49:9

Tau nitarungkua Kusuroi assulu'; tau niaka lalang ri sassanga Kuerangi mae ri singaraka. Ba'lalo manna ri bulu' a'gondoloka tena nalakakurangang ke'nanga, ri sikontu oloanna nia' sadia kanre.

PAMMUJI 146:7

Naalleangangi ha'na sikamma tau nijallakkanga, na Nasare kanre tau cipuruka. Batara allappassangi sikamma tunitahanga,

AYUB 33:30

sollanna akkulle Napasalama' rupataua siagang Nasare mate'ne lalang tallasa'na.

AYUB 3:5

Kipa'jari anjo alloa le'leng pakka', sassang makkapu' siagang anremeng; Kikalimbuki siagang saliu' na rammang, Kitongkoki natanatabaya singara'na alloa.

AYUB 19:8

Natongkoki Allata'ala oloangku, takkullea' allalo, lorong-lorong kuoloa Napa'jari sassang pakka'.

AYUB 15:30

Tena nalakkulle ta'lappasa' battu ri sassang makkapuka; pepeka lampa'jari ammutungi cu'la'-cu'la'na. Lacappuki nitui' ri bawaNa Allata'ala.

AYUB 15:22

Tena panrannuanna lakkulle alliliangi sassanga, saba' niondangi ri pa'danna pabunoa tunggala' kasampatang.