PAMMUJI 106:2 - KITTA' MATANGKASA'

² Inai akkulle angkabarrangi kaporeanNa Batara, siagang assare pammuji siratanga mae ri Ia?

PAMMUJI 106:2 Referans Kwoze

EFESUS 1:19

siagang antekamma heba'na kakoasanNa Allata'ala Nagaukanga lalang ri jama-jamanna ri tangnga-tangngata tau tappaka. Teai sipato' heba'na anjo koasaNa Allata'ala,

ROMA 11:33

Teai sipato' heba'na kakalumanynyanganNa Allata'ala! Teai sipato' tinggina kacara'dekanNa siagang pangngamaseanNa! Maka inai akkulle ampappilajari sikamma apa le'baka Napattantu? Maka inai akkulle ampahangi cara-caraNa anjama?

EFESUS 3:18

Appala' doanga' mae ri Allata'ala nuporo siagang ngaseng sikontu Umma'Na Allata'ala, akkulle ampahangi antekamma luara'na siagang la'buna, kammayatompa antekamma tinggina siagang lantanna pangngamaseanNa Almasi,

PAMMUJI 40:5

Mate'nei tau matappaka ri Batara, tenaya nanynyomba ri rewata-rewataya, yareka appala' tulung mae ri tau tampoa.

AYUB 26:14

Mingka yangasenna anjo kammaya poro pammateiji ri kakoasanNa poro pa'bici'naji battua mae ri tolinta. Tamaka sike'de'na pammahanta ri passala' kahebakkanna koasaNa Allata'ala!”

AYUB 5:9

Yangaseng bate pare'Na Allata'ala tamaka heba'na; takkulleai nipahang. Gau'-gau' appakalannasa' Napareka, takkulleai nibilang na tena la'busu'na.

NEHEMIA 9:5

Passambayanganga anjo alloa napakaramulai tu Lewi, iamintu: Yesua, Kadmiel, Bani, Hasabneya, Serebya, Hodia, Sebanya, siagang Petahya. Nakana ke'nanga, “Ammentengko nampa nipuji Karaeng Allata'alata! Mammujiko mae ri Ia sa'genna satunggu-tungguna! Nipujimi arenNa sukkuka ri kala'birang, hebaki arenNa, la'biangngangi nasikontu pammujia!”