PAMMUJI 105:8 - KITTA' MATANGKASA'

⁸ Tuli Nau'ranginna parjanjianNa, tappakei janjinNa satunggu-tungguna.

PAMMUJI 105:8 Referans Kwoze

PAOLE 7:9

U'rangi angkanaya Karaeng Allata'alanu bawang Allata'ala, tena pantaranganna, siagang Iami Allata'ala tamamminraya nyawaNa. Narupai Batara janjinNa siagang Napappicinikangi pangngamaseanNa tenaya tappu'na sa'genna sisa'bu turungang mae ri tau mangngamaseanga ri Ia siagang mannurukia ri parenta-parentaNa.

PAMMUJI 111:5

Nasarei dalle' tau mappilangngeria, siagang tuli Nau'rangi parjanjianNa.

PAMMUJI 106:45

Lanri ke'nanga nau'rangi parjanjianNa Nakarimangngi ke'nanga lanri pangngamaseang malompoNa.

PAMMUJI 105:42

Saba' Nau'rangi Batara janjinNa mae ri Abraham, atanNa.

1 PATTOTTORANG 16:15

Tuli mangngu'rangi ri janjinNa, janjinNa Narupai satunggu-tungguna.

DANIEL 9:4

Sikontu dosana bansaku kuakui mae ri Karaeng Allata'alaku. Kukana, “O Karaeng Allata'ala, iKatte malompo, na ikambe mappakalompo ri Katte. Tuli Kirupai janjinTa siagang Kipa'nyatai pangngamaseang tamattapputTa mae ri ke'nanga mangngamaseanga ri Katte siagang anggaukangai apa Kiparentakanga.

PAMMUJI 111:9

Napakabebasaki umma'Na, appareki parjanjiang mannannungang siagang ke'nanga. Iami Batara matangkasa' siagang sannaka poreNa!

NEHEMIA 1:5

kukana, “O, Karaeng Allata'ala makoasaya ri suruga. IKattemi Allata'ala Malompoa, na mandallekammo ikambe ri Katte lalang malla'. TamamminrayaKi' ri janjinTa mae ri tau mangngaia ri Katte siagang mannurukia ri parentaTa.

PA'JARIANG 17:7

LaKurupai janjingKu mae ri kau siagang mae ri turungannu sa'genna a'lapi'-lapisi', siagang anjo parjanjianga lamannannungangi. INakke la'jari Allata'alanu siagang Allata'alana turungannu.

PA'JARIANG 26:3

Inakke lanjagaiko siagang lambarakkakiko. Sikontu anne daeraya laKupassareangi mae ri kau, siagang mae ri turungannu. LaKurupai janjingKu, ia le'baka Kupau mae ri Abraham manggenu.

KALAPPASSANG 2:24

Nipilangngerimi ke'nanga ri Allata'ala, siagang Nau'rangimi parjanjianNa siagang Abraham, Ishak, na Yakub.

PAOLE 7:8

Mingka Napileko Batara lanri Nakamaseangko siagang eroki Narupai janji Napareka siagang boe-boenu. Iaminjo saba'na nale'ba' mako Napasalama' siagang kakoasang lompoNa siagang Nalappassangko battu ri nipare' atanu battu ri karaeng Mesir.

PAOLE 7:12

“Punna nuparhatikang anjo parenta-parentaya, siagang nugaukang tamattappu', tena todong namamminra pa'mai'Na Karaeng Allata'alanu mae ri parjanjiang Napareka siagang ikau ngaseng. LaNapappicinikangi pangngamaseang tamattappu'Na mae ri kau, sangkamma Napa'janjianga mae ri boe-boenu.

YOSUA 21:43

Kammaminjo naNapassareammo Batara mae ri umma' Israel sikontu butta le'baka Napa'janjiang siagang sumpa mae ri boe-boena ke'nanga. Napantamakkinnamo ke'nanga anjo pa'rasanganga, ammantang tulimi umma' Israel anjoreng.

YEREMIA 11:5

Punna nagaukang ngaseng ke'nanga anjo sikammaya, laKurupai janjingKu mae ri boe-boena ke'nanga angkanaya pa'rasangang copponga siagang kalumanynyanga, ia napammantangngia ke'nanga kamma-kamma anne, laKupassareangi mae ri ke'nanga.” Appialima' angkana, “Baji'mi, Batara.”

MIKHA 7:20

Mae ri ummatTa, iamintu jari-jarina Abraham siagang Yakub, laKipappicinikangi majarretTa siagang pangngainTa tenaya sanggana sangkamma Kipa'janjianga mae ri boe-boena ikambe battu riolo dudu.