PAMMUJI 105:44 - KITTA' MATANGKASA'

⁴⁴ Buttana bansa-bansaya Nasareangi ke'nanga, koko-kokonna ke'nanga Napa'jari umma'Na pata,

PAMMUJI 105:44 Referans Kwoze

PAMMUJI 78:55

Ri dallekanna umma'Na na Nabongka panduduka anjoreng nampa Nabage-bage anjo pa'rasanganga mae ri sikontu suku bansa Israel, umma'Na, sa'genna akkulle napammantangi ke'nanga kema-kemana musunna.

YOSUA 24:13

Anjo butta Kupassareanga mae ri kau ngaseng nutarimai natanukaresoi. Siagang anjo kota-kota Kupassareanga mae ri kau, teai ikau ambangungi. Mingka kamma-kamma anne ikaumi ammantang anjoreng, siagang ikau ngaseng tommi angkasiaki rappo anggoro'na siagang rappo zaitunna, nampa teai ikau allamungi.’ ”

YOSUA 24:8

Nampa Kuerangko mange ri pa'rasangang tu Amori, niaka ammantang irayanganna Binanga Yordan. Nabundukiko ke'nanga, mingka iNakke ansareko pammetang mae ri ke'nanga. Nuallei pa'rasanganna ke'nanga, siagang iNakke angngancuruki ke'nanga.

YOSUA 11:23

Sikontu anjo pa'rasanganga naallei Yosua situru' parentaNa Batara mae ri Musa, nampa nipassareang mae ri bansa Israel untu' napatang ke'nanga. Nibage-bagei anjo pa'rasanganga, na massing-massing sukua anggappai tasse're bageang. Ammarimi bansa Israel a'bundu' siagang amammi nasalewang pa'rasanganna.

PAMMUJI 80:8

O, Allata'ala Kaminang Koasaya, Kipammollei ikambe lammoro' pa'mai' maKi' anciniki ikambe, sollanna salama' ikambe.

YOSUA 23:4

Buttana bansa-bansaya niaka ija ammantang, kammayatompa buttana sikontu bansa le'bakamo kubeta, iamintu butta takka'ranga battu iraya ri Binanga Yordan tulusu' kalau' sa'genna ri Tamparang Tangngaya, le'ba' kabusu'mi kubage-bage mae ri kau untu' a'jari pisakanu.

YOSUA 21:43

Kammaminjo naNapassareammo Batara mae ri umma' Israel sikontu butta le'baka Napa'janjiang siagang sumpa mae ri boe-boena ke'nanga. Napantamakkinnamo ke'nanga anjo pa'rasanganga, ammantang tulimi umma' Israel anjoreng.

YOSUA 5:11

Ammukona, bungasa' angnganremi ke'nanga wassele'na pa'rasangang Kanaan, iamintu: roti tenaya nammake pa'gambang siagang gandung nilangga.

2 KARAENG-KARAENG 17:37

Tuli mannurukiko ri hukkung-hukkungKu siagang parenta-parenta le'baka Kutulisi' untu' ikau. Teako anynyombai mae ri rewata-rewata maraenga,

YEREMIA 32:23

Mingka ri wattunna battu ke'nanga mae anrinni ri pa'rasanganga siagang naempoi, tenamo namannuruki ke'nanga ri parenta-parentaTa, kammayatompa taerokai attallasa' situru' ajarang-ajaranTa. Sikontu apa Kiparentakanga mae ri ke'nanga tena manna se're nagaukang ke'nanga. Lanri kammana anjo naKipabattumo sikontu anne balaya mae ri ke'nanga.