PAMMUJI 104:17 - KITTA' MATANGKASA'

¹⁷ Anjoremmi a'ru'mung jangang-janganga, jangang-jangang ranggung a'ru'mung ri coppo'na.

PAMMUJI 104:17 Referans Kwoze

PAMMUJI 104:12

Appareki ru'mung jangang-janganga ri ampi'na; assa'ra-sa'ra ke'nanga ri alla'na leko'-leko' kayua.

MATIUS 13:32

Anjo lisere' lamunganga, iami lisere' lamungang kaminang ca'di ri linoa. Mingka punna attimbomo anjo lisere' lamunganga, iami a'jari poko' kaminang lompo ri sikamma lamung-lamungang niaka anjoreng. A'jarimi poko' lompo, sa'genna battumo jangang-janganga appare' ru'mung ri tangke-tangkenna.”

OBAJA 1:4

Manna pole nupare' balla'nu santinggi ru'munna jangang-jangang rajawali, siagang santinggi bintoenga ri langi', mingka ma'nassa laKutu'gurangko.

DANIEL 4:21

Leko'-leko'na coppongi siagang rapponna roasaki sa'genna angganna' untu' assarei kanre sikontu bonena linoa. Sikamma olo'-olo' liaraka anra'bai irawa ri la'lanna, siagang jangang-janganga a'ru'mungi ri tangke-tangkenna.

YEHEZKIEL 31:6

Sangka' rupa jangang-jangang a'ru'mung ri tangkenna. Olo'-olo' liaraka ammana' irawa ri la'lanna. Sikontu bansa lompoa ri lino ammempo a'la'lang irawanganna.

YEREMIA 22:23

Amangko ammantang nitammulili ri benteng camara Libanon, mingka sallang punna natuju mako kapa'risang, lasessa mako rapang baine eroka ammana'.”

YEREMIA 8:7

Manna kondoa naassenji nikanaya ammotere'; bukkuruka siagang jangang-jangang pinisika, kammayatompa pune-punea naassengi wattu pa'lettekanga battu ri tampa'na. Mingka ikau, ummakKu, tanuassengai hukkung-hukkung Kupassareanga mae ri kau.