PAMMUJI 104:13 - KITTA' MATANGKASA'

¹³ Battu ri langi' Kipaturung bosia ri moncong-monconga, rassi linoa siagang bate paretTa.

PAMMUJI 104:13 Referans Kwoze

PAMMUJI 147:8

Iami ampaka'rangi rammanga' ri langi'; Ia ampasadiai bosia mae ri buttaya, siagang ampatimboi rukuka ri buluka.

YEREMIA 10:13

Poro assareji bawang parenta, nammarummo je'neka battu ri passimbanga. Battu ri cappa'-cappa'na buttaya Napabattu rammanga, na Napare' kila' tassioroka lalang ri bosia, kammayatompa Nakiring anginga battu ri pammolikanNa.

YEREMIA 14:22

Rewata-rewatana bansa-bansaya takkulleai appaturung bosi ri lino. Manna langika takkulle todong ampaturungi bosia siagang koasa kalenna. IKatteji bawang panrannuanna ikambe. IKatte ampa'jari ngasengi anjo sikammaya.

PAOLE 11:11

Mingka anjo pa'rasangang lanupantamakkia iamintu daera moncong siagang ka'bung; tuli nibasai ri bosi buttana.

AYUB 38:37

Inai ganna' cara'de'na anrekengi rammanga nampa nabulinta' sollanna turung bosia,

LAMPA-LAMPANA 14:17

Mingka tena Natakkaluppa ampa'butti kabajikanNa ilalang apa-apa Nagaukanga. Nasare ngasengko bosi battu ri langika, siagang wassele'na buttaya punna narapi' wattunna. Nasareko apa-apa lanukanrea siagang Napakasannangi atinnu.”

MATIUS 5:45

sollannu a'jari ana'-ana'Na Allata'ala Manggenu ri suruga. Nasaba' Napammumbai alloNa Allata'ala sollanna nasiori ngaseng rupataua, baji' natau a'gau' bajika kammayatompa tau a'gau' kodia. Kammayatompa Napaturungi bosiNa Allata'ala sollanna natuju ngaseng rupataua, baji' natau a'gau' bajika kammayatompa tau a'gau' kodia.

AMOS 9:6

Nabangungi Balla'Na Batara bella nai' ri allaka, irateanna buttaya Natannangi langika salaku pa'rangka', siagang je'ne' battua ri tamparang Natumpai nai' ri bontoa, Ia anggaukanga kabusuki anjo sikammaya iamintu Batara arenNa.

PAMMUJI 104:3

siagang ambangungi ballatTa ri tompo' je'neka ri langi'. Rammang-rammanga Kipa'jari kareta, ka'nyi'na anging Kidongkoki.