PAMMUJI 103:5 - KITTA' MATANGKASA'

⁵ Ia ampassukkuki katallassannu siagang kabajikang, sa'gennu tanaallea toa sanrapang jangang-jangang rajawali.

PAMMUJI 103:5 Referans Kwoze

YESAYA 40:31

Mingka tau manrannuanga ri Batara, langgappai kagassingang beru. Rapangi ke'nanga jangang-jangang rajawali anri'ba' tinggia siagang kagassingang ka'nyi'na. Lari ke'nanga na tena naposo, a'jappai ke'nanga natena na'jari mangngang.

PAMMUJI 107:9

Saba' Napassaui turerena tau turerea, napila'bi-la'bi tau cipuruka siagang sikontu apa bajika.

1 TIMOTIUS 6:17

Sikamma tau kalumanynyanga ri anne linoa, parallui nupakainga' sollanna tena na'jari tampo ke'nanga. Kammayatompa tena namanrannuang mae ri barang-barang latappelaka, kammayami kakalumanynyanganga. Musti manrannuang mangei ke'nanga ri Allata'ala assareaki' alla'bi-la'bi sikontu-kontuna niparalluia, sa'genta a'jari sannang.

2 KORINTUS 4:16

Lanri kammanami anjo natena natappu' panrannuang ikambe. Manna pole pila' panra' katallassang lahere'na ikambe, mingka tuli beruna allo-allo katallassang lalanga ri atinna ikambe.

PAMMUJI 63:5

Lalang sikontu umurukku appala' sukkurukka' mae ri Katte; kuangkaki limangku kuppala' doang ri Katte.

PAMMUJI 104:28

IKatte assare, nake'nanga ampa'rappungi, iKatte ampasadiai, nangnganre ke'nanga sa'genna sukku' nakasia'.

PAMMUJI 23:5

Kipasadianga' passua'-suarrang ri dallekang matanna balingku. Kiruppaia' sangkamma toana lompoa. Kipatalanga' inungang bajika siagang alla'bi-la'bia.

PAMMUJI 65:4

Teai sipato' battala'na dosa-dosaku, mingka iKatte ampammopporanga'.

HOSEA 2:15

Koko-koko anggoro'na laKupoterangi mae ri ia, siagang Ka'bung Kasusaanga laKupinrai a'jari pakke'bu' panrannuang. Anjoreng lanaruppaiA' sangkamma ri wattu lolona, ri wattu beru assulu'na battu ri Mesir.

YOSUA 14:11

mingka gassingija' sangkamma ri wattungku nisuro ri Musa. Gassingiji tubuku untu' a'bundu' yareka anggaukangi jama-jamang apa mamo.

AYUB 33:25

La'jari sanna' kassa'na kalenna akkamale kamma tau rungka.