PAMMUJI 103:21 - KITTA' MATANGKASA'

²¹ Pujimi Batara, he sikontu apa niaka ri suruga, sikontu atanNa anggaukangai ero'Na.

PAMMUJI 103:21 Referans Kwoze

1 KARAENG-KARAENG 22:19

Nakanamo pole Mikha, “Kamma-kamma anne pilangngeri apa Napaua Batara! Kuciniki Batara ammempo ri empoang kala'biranNa ri suruga, siagang sikontu malaekaka ammentengi ri ampi'Na.

LUKAS 2:13

Ti'ring jaimi pole malaeka' maraengang battu anrurungangi anjo malaekaka sumpaeng, na mammuji-muji ri Allata'ala, angkana,

PAMMUJI 104:4

Anging Kipa'jari suroTa, na kila' a'jari palayanTa.

NEHEMIA 9:6

Nampa appala' doammo ra'ya' Israel kamma anne, “IKattemi Batara, iKattemi tena ruanTa; Kipa'jari bintoenga na sikontu langika, kammayatompa tamparang, butta siagang sikontu bonena, nampa Kisare katallassang siagang Kiparakai. Ri Kattemi anynyomba sikamma koasaya ri langi'; akkulantuki ke'nanga, tundu' mae ri Katte.

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

YOSUA 5:14

Appialimi anjo taua angkana, “Teai agang, siagang teai todong bali. Inakke battua' mae anrinni salaku panglimana tantaraNa Batara.” Nalangngere'na Yosua pappialinna anjo taua, su'ju'mi anynyomba ri anjo taua. Angkanami Yosua, “Inakke anne atanta' karaeng. Apa akkulle kugaukang untu' ikatte?”

PA'JARIANG 32:2

Nacini'na Yakub anjo ke'nanga, nakanamo, “Anne pakkemaanNa Allata'ala.” Lanri kammana naaremmi anjo tampaka Mahanaim.

MATIUS 13:41

LaNasuroi malaeka'-malaeka'Na Ana' Ma'rupataua ampasse're ngasengi sikontu tau a'jari passabakkanga na'gau' dosa taua, kammayatompa sikontu tau a'gau' ja'dalaka.

PAMMUJI 68:17

Angngapa nabattu ri anjo coppo' jainu akkimburu anciniki Bulu' Sion Napilea Allata'ala untu' a'jari pammantanganNa? Lammantangi Batara anjoreng sa'genna satunggu-tungguna.

PAMMUJI 33:6

Assarei parenta Batara, na'jarimo langika; mataallo, bulang, na bintoeng nipa'jari ri kananNa.

2 PATTOTTORANG 18:18

Nakanamo pole Mikha, “Kamma-kamma anne pilangngeri apa Napaua Batara! Kuciniki Batara ammempo irate ri empoang kala'biranNa ri suruga, nampa sikontu malaekaka niaki ammenteng ri ampi'Na.