PAMMUJI 103:14 - KITTA' MATANGKASA'

¹⁴ Saba' Naassengi Batara angkana battu ri apaki' nipa'jari, Nau'rangi angkana poro limbu'bu' buttajaki' bawang.

PAMMUJI 103:14 Referans Kwoze

KATO'BA 12:7

Tubuta lammotereki, a'jari limbu'bu ri buttaya Nappasa' tallasatta lammotereki mae ri Allata'ala. Ia assareki' a'jari passare kalammoranNa.

AYUB 10:9

Kiu'rangi angkana battu ri butta pi' nakiparekka'! Masa' laKipa'jari limbu'buka' ammotere'?

PAMMUJI 89:47

Sa'genna siapa salloTa laccokko, o, Batara? Sa'genna siapa sallona la'rinra kamma pepe' kalarroanTa?

PA'JARIANG 3:19

Laballasakko anjama siagang lammattiki songo'nu nanampa nia' wassele'na anne buttaya, sa'gennu ammotere' poleang a'jari butta, nasaba' battu ri buttayako nipare'. Battu ri buttayako nipare', na nulammotere' a'jari butta.”

AYUB 7:21

Tenaka naKikkulle ampamopporangi dosaku? Tenaka oloTa ampamopporangi salangku? Sinampe' mami nakunra'bamo lalang ri kuburanga, na punna Kiboya' sallang, tenamo naKigappa'.”

YESAYA 29:16

Yangasenna ke'nanga natunggengi. Kereanga la'bi parallu, papare' uringa, yareka butta pika? Maka lakkullei anjo apa nipareka akkana mae ri tumappare'na, “Teai ikau amparekka'”? Yareka akkullei anjo baranga angkana ri ia, “Tena apa-apa akkulle nugaukang”?

AYUB 13:25

Inakke poro leko' kayu runanja' niiri' ri anging numalo, angngapa naKipannekkere' kamma'! Inakke poro rarame kalotoro' siagang kalumenja' bawang, angngapa nakkulle Kiondang kamma dudua'!

PA'JARIANG 2:7

Nampa angngalle Karaeng Allata'ala sike'de' butta, naNapare' a'jari se're tau, nampa natui' so'bolo' ka'murunna siagang nappasa' assarea katallassang; nattallasa'mo anjo taua.