PAMMUJI 103:12 - KITTA' MATANGKASA'

¹² Antekamma bellana battu raya sa'genna kalau', kammaminjo bellana Napela' dosa-dosata.

PAMMUJI 103:12 Referans Kwoze

YESAYA 43:25

Mingka iNakke Allata'ala allu'luki dosanu, Kupammopporangko lanri kammaminjo sipakKu; tena natuli Kuu'rangi dosanu.

1 YOHANES 1:7

Mingka punna attallasakki' lalang ri singaraka, sangkamma Allata'ala niaki lalang ri singaraka, assiama' maki' massing para ikatte lalang ri katallassanta; kammayatompa nitangkasimi sikontu dosa-dosata lalang ri cera'Na Isa, Ana'Na Allata'ala.

MIKHA 7:18

Tena Allata'ala sangkammanTa, o Batara, ampammopporangai dosana umma' nipileNa niaka tassesa. Tena Kituli lalarro; kabalekanna, sannangi nyawaTa ampappicinikangi pangngainTa tenaya sanggana.

YESAYA 38:17

Pacceku tappinrai a'jari kasannangang, iKatte ampasalamaka' battu ri bahayaya; Kipammopporangi sikamma dosa-dosaku.

YEREMIA 31:34

Tenamo naparallu se'rea tau ri ke'nanga langngajaraki paranna tau untu' angngassengi Batara. Nasaba' yangasenna ke'nanga, lompo ca'di, lanaasseng ngasengA'. LaKukaluppai kasalang-kasalanna ke'nanga, laKupammopporangi dosa-dosana ke'nanga. INakke, Batara, anne akkana.”

IBRANI 10:2

Ebara' angkana le'ba' tojeng-tojemmi nitangkasi battu ri dosaya anjo tau anynyombaya ri Allata'ala, tantu tenamo nasa'ring nadoraka kalenna ke'nanga. Siagang tantu tenamo naparallu taua assare koro'bang.

2 SAMUEL 12:13

Nampa nakanamo Daud ri Natan, “Dorakama' mae ri Batara.” Appialimi Natan angkana, “Le'ba' maki' Napammopporang Batara; jari tena kilamate karaeng.

YEREMIA 50:20

Ri anjo wattua Israel siagang Yehuda latangkasaki battu ri dosaya, lanri laKupammopporangi sikamma tau le'baka Kupasalama'. INakke, Batara, anne akkana.”

YESAYA 45:6

NaKugaukang ngaseng sikammaya anjo sollanna appakkaramula battu raya sa'genna kalau' sikontu taua naassengi angkana iNakke Batara, tena allata'ala pantaranganna iNakke.

PAMMUJI 113:3

Battu raya sa'genna kalau' arenNa Batara musti nipuji.

PAMMUJI 50:1

Pammujina Asaf. Batara, Allata'ala Kaminang Koasaya, a'bicarai; akkioki mae ri sikontu linoa battu iraya sa'genna kalau'.

YESAYA 44:22

Kasalannu Kubongkai rapang rammang, dosanu Kupakabellai rapang saliu'. Ammotere' mako mae ri Nakke, saba' le'ba' mako Kupakabebasa'!”

YEHEZKIEL 18:22

Sikontu dosana lanipammopporangi; lattallasaki lanri nagaukangi apa annabaya.

MIKHA 7:19

LamangngamaseangKi' pole mae ri kambe siagang Kipammopporangi ikambe. LaKionjo'-onjokangi dosa-dosana ikambe nampa Kipasambila antama ri rawanganna tamparanga!