PAMMUJI 102:5 - KITTA' MATANGKASA'

⁵ Dodonga' sanrapang ruku' kalotoro', tena sikali pattujungku angnganre.

PAMMUJI 102:5 Referans Kwoze

AYUB 19:20

Kalengku bukkuleng mami anrokoki buku-bukungku; sike'de' mami kumate siagang allayang nyawaku.

PIRAUNG 4:8

Mingka kamma-kamma anne tamakami le'lenna ke'nanga ammonrang ri tangnga-tangngana aganga na taenamo nanirupa ri taua. Toami bukkulenna anrokoki buku-bukunna, rapangi kayu kalotoro' dudua.

PANGNGEBARANG 17:22

Rannu pa'maika napakkamalei tubua; pa'mai' susaya annepoki sumanga'.

PAMMUJI 6:8

Tabajikami paccinikku napakamma si'na nanremeng-remeng lanri musu-musungku.

PAMMUJI 6:6

Saba' lalang ri lino kamateang taniu'rangia maKi'; tenamo tau mammuji ri Katte lalang linona tu matea.

1 SAMUEL 1:7

Kammaminjo kajariang taung-taung. Punna a'lampa ke'nanga mange ri Balla'Na Batara, tuli nipa'risi nyawana Hana ri Penina. Biasai Hana angngarru' siagang taerokai angnganre lanri nihinana.

AYUB 14:2

Ta'bakkaraki nampa kalumeng sanrapang bunga; lanynyaki sanrapang bayang-bayang, tulusu' a'jari lanynya'.

PAMMUJI 90:6

attimboi na'bakka' ri wattu bari'basa', mingka kalumengi ri wattu karuenna.