PAMMUJI 102:3 - KITTA' MATANGKASA'

³ TeaKi' allei rupanTa battu ri nakke punna niaka' lalang kasusaang. Kipilangngeria' punna akkioka', siagang Kipialia' linta'.

PAMMUJI 102:3 Referans Kwoze

YAKOBUS 4:14

Apa lakajariang lalang ri katallassannu ammuko, tena sikali nanuassengi! Sanrapang le'ba' jako umbu sinampe' duduaji kacinikang, nampa a'lanynya'.

PIRAUNG 1:13

Napaturungi pepeka battu ri langi' akkanrea sa'genna antama' ri atingku. Attannangi sikko' ri dallekangku untu' antu'guranga'. Nampa Nalappassanga' kale-kalengku ballasa' sila'busu' allo.

PAMMUJI 37:20

Mingka tu ja'dalaka lapossoki, musunNa Batara lalanynyaki sanrapang bunga ri paranga, lalanynyaki ke'nanga lalang umbua.

AYUB 30:30

A'jari le'lemmi bukkulengku; rapang nitunumi kalengku ri rammusu'.

PAMMUJI 31:10

Kikamaseanga', o, Batara, saba' niakka' lalang kasusaang; paccemi matangku napakamma angngarru', ta'ronammi nyawaku siagang batangkalengku.

PIRAUNG 3:4

A'bokka'-bokka' kalengku napakamma, na tepo' buku-bukungku.

PAMMUJI 119:83

Akkapurru'mi bukkulengku sanrapang pammoneang anggoro' toa, mingka tena nakukaluppai katantuanTa.

PAMMUJI 38:3

Annarrusuki ana' panaTa ambokkaki kalengku, battalaki kusa'ring limanTa anjallakkanga'.

PAMMUJI 27:9

teaKi' accokkoi battu ri nakke.” TeaKi' larroi siagang teaKi' tollaki atanTa, saba' iKattemi le'ba' antulunga'. TeaKi' pelakkia' yareka teaKi' bokoia', o, Allata'ala, Tumappasalamakku.

PAMMUJI 31:3

pilangngeri laloa' siagang Kilappassanga' linta'. A'jariKi' sanrapang moncong batu mae ri nakke a'jari tampa' pa'la'langangku, sanrapang tampa' attahang makassaka, anjoremma' lasalama'.