PAMMUJI 102:22 - KITTA' MATANGKASA'

²² Nalanikabarrang arenNa ri Sion, siagang lanipuji-puji ri Yerusalem,

PAMMUJI 102:22 Referans Kwoze

MATIUS 24:14

Na lanibirittakammo ri sikontu linoa Kabara' Bajika, ri passala' antekamma batena ammarenta Allata'ala, sollanna nalangngere' ngaseng taua. Le'baki anjo nampami battu allo kiamaka.”

ROMA 15:19

kammayatompa ilalang gau'-gau' appakalannasaka, siagang sukkaraka antama' ri akkala'na rupataua; yangasenna anjo koasaNa RohNa Allata'ala anggaukangi. Le'ba' ngasemmi kubirittakang sikamma Kabara' Baji' ri passala'na Isa Almasi mae ri taua, appakkaramula battu ri Yerusalem sa'genna ri Ilirikum.

PAMMUJI 22:27

Tu kasi-asia langnganrei sa'genna bassoro'; tau battua mae ri Batara lamammuji ri Ia. Poro salewangang ngasengko sa'genna satunggu-tungguna!

PA'JARIANG 49:10

Yehuda lanna'gala' takkang kakaraengang. Turunganna lammarenta satunggu-tungguna. Bansa-bansaya langngerangi passare, nasu'ju' tundu' ri dallekanna.

YESAYA 52:8

Pilangngeri pakkio' rannuna pangawala'na kotaya, para ma'rannu-rannui ke'nanga! Saba' mata kalenna ke'nanga anciniki ammotere' Batara mange ri Sion.

YESAYA 52:9

Akkio' rannuko, he sikamma rumbanna Yerusalem, saba' Nasaleori Batara umma'Na na Napakabebasa' Yerusalem.