PAMMUJI 102:2 - KITTA' MATANGKASA'

² O, Batara, Kipilangngeri laloi pappala' doangku, boli'mi kamma nata'rapi' pakkiokku mae ri Katte.

PAMMUJI 102:2 Referans Kwoze

PAMMUJI 69:17

Kipialima', o, Batara, saba' iKatte bajikKi' siagang tuli mangngamaseangKi'. Poro assaile laloKi' mae ri nakke lanri lompona pangngarimangnginTa

YESAYA 8:17

Le'baki Batara Nacokko KalenNa battu ri turunganna Yakub, umma'Na, mingka inakke tappaka' siagang manrannuanga' mae ri Ia.

PAMMUJI 27:9

teaKi' accokkoi battu ri nakke.” TeaKi' larroi siagang teaKi' tollaki atanTa, saba' iKattemi le'ba' antulunga'. TeaKi' pelakkia' yareka teaKi' bokoia', o, Allata'ala, Tumappasalamakku.

PAMMUJI 104:29

Punna a'gilingKi', mallaki ke'nanga; punna Kialle nappasa'na ke'nanga, possoki, nampa ammotere' a'jari limbu'bu' butta sangkamma riolo.

PAMMUJI 70:1

Untu' pamimping pakelong. Battu ri Daud, ri wattunna assare passare koro'bang pappakainga'.

1 KORINTUS 10:13

Sikamma paccoba nukasiaka, sangnging paccoba samara' ngaseng nakasia' rupataua. Mingka tuli jarre'Na Allata'ala mae ri janjinNa. Tena nalaNabalang parekangko nicobai alla'bi battu ri pakkullenu. Punna natabako paccoba, Iami lassareko kajarrekang sollannu akkulle attahang.

PAMMUJI 143:7

Kipialia' linta', o, Batara, saba' tappu' minasama'. TeaKi' accokkoi battu ri nakke, sollanna tena nakusangkamma tau naungamo ri lino kamateanga.

PAMMUJI 71:2

Kilappassang laloa', saba' iKatte adelekKi', Kipilangngeria' siagang Kipasalamaka'.

YESAYA 43:2

Punna nusombali je'neka, iNakke anrurungangko, tena nulatallang lalang ri sikamma kasukkarrannu. Punna allaloko ri pepeka, tena nulammutung, tena nalanabalaiko sikamma paccoba battalaka.

PAMMUJI 40:13

Nikatulunga' ri jai bala lompo, takkulleai nirekeng siapa jaina. Niondanga' ri dosa-dosaku sa'gengku takkulleamo accini'. Jaiangngangi nauu' niaka ri ulungku jaina, sa'gengku tappu' minasa.

PAMMUJI 31:2

IKattemi pa'la'langangku, o, Batara, teaKi' passalasaia'. Pasalamaka' lanri kaadelanTa,

PAMMUJI 22:19

Nabage-bagei ke'nanga pakeangku, na'goccang nomoro' untu' anggappai jubaku.

PAMMUJI 13:1

Untu' pamimping pakelong. Pammujina Daud.

AYUB 34:29

Punna tappu' a'merekiji bawang Allata'ala, manna sitau tabarani ancallai. Punna Nacokko rupanNa, manna sitau takkulle ambuntuluki.

AYUB 7:21

Tenaka naKikkulle ampamopporangi dosaku? Tenaka oloTa ampamopporangi salangku? Sinampe' mami nakunra'bamo lalang ri kuburanga, na punna Kiboya' sallang, tenamo naKigappa'.”

YESAYA 65:24

Tenapa nappala' ke'nanga, naKuppialimo; tenapa nale'ba' ke'nanga appala' doang naKuturukiammo pappala'na ke'nanga.

KALAPPASSANG 2:23

Attaung-taungi ribokoanganna, matemi Karaeng Mesir. Mingka tuli akkunrarenna bansa Israel lanri nipare' atana ke'nanga; sa'genna akkio'mo ke'nanga appala' tulung. Na anjo pakkio'na ke'nanga anrapiki mae ri Allata'ala.

KALAPPASSANG 2:24

Nipilangngerimi ke'nanga ri Allata'ala, siagang Nau'rangimi parjanjianNa siagang Abraham, Ishak, na Yakub.

PAMMUJI 17:1

Pappala' doanna Daud. Kipilangngeri pakkiokku appala' kaadelang, Kiparhatikangi pappala' doang ati maci'nongku, o, Batara.