PAMMUJI 102:1 - KITTA' MATANGKASA'

¹ Pappala' doang tau ballasa', sanna' mangnganna nakkunrareng ri Batara.

PAMMUJI 102:1 Referans Kwoze

PAMMUJI 18:6

Nitammulilia' ri bahayana kamateanga, sikko'na kamateanga niaki ri dallekangku.

PAMMUJI 61:2

Kipilangngeri pakkiokku, o, Allata'ala, parhatikangi pappala' doangku.

PAMMUJI 39:12

Lanri kasalanna rupataua, Kihukkungi siagang Kiajaraki sanrapang bu'bu' Kiancuruki apa lompoa anggaranna mae ri ke'nanga. Tojeng, rupataua sanrapanji sipa'maikang nappasa' bawang.

KALAPPASSANG 2:23

Attaung-taungi ribokoanganna, matemi Karaeng Mesir. Mingka tuli akkunrarenna bansa Israel lanri nipare' atana ke'nanga; sa'genna akkio'mo ke'nanga appala' tulung. Na anjo pakkio'na ke'nanga anrapiki mae ri Allata'ala.

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.

PIRAUNG 3:44

Anjo larroTa rapangi rammang kapalaka sa'genna takkullea nitarrusu' ri pappala' doanna ikambe.

PIRAUNG 3:8

Ammarranga' appala' tulung, mingka taerokai Allata'ala ampilangngeria'.

PAMMUJI 143:7

Kipialia' linta', o, Batara, saba' tappu' minasama'. TeaKi' accokkoi battu ri nakke, sollanna tena nakusangkamma tau naungamo ri lino kamateanga.

PAMMUJI 143:4

Tappu'mi sumangakku, sanna' linguna pa'maikku.

PAMMUJI 5:2

O, Batara, Kipilangngeri kana-kanangku, Kiparhatikangi kunrarengku.

2 PATTOTTORANG 30:27

Imang-imanga siagang tu Lewi napappalakangi barakka' ra'yaka ri Batara, nampa Napilangngerimo Allata'ala battu ri pammantanganNa ri suruga anjo pappala' doanna ke'nanga na Natarima.

1 SAMUEL 9:16

“Ammuko bari'basa' kira-kira ri wattu kamma-kammaya anne, nia' laKusuro sitau battu ri suku Benyamin battu angngagangko sibuntulu'. Minynyaki siagang angka'mi anjo taua untu' a'jari karaeng mae ri ummakKu Israel. Ia lallappassangi ummakKu battu ri tu Filistin. Kucini'mi kasessanna ummakKu siagang Kulangngere'mi karru'na ke'nanga appala' tulung.”

HAKING-HAKING 10:16

Nampa napela' ngasemmo ke'nanga sikontu patung barhalaya, nanynyombamo ke'nanga ri Allata'ala. Natu'guru' pangngamaseammo Allata'ala anciniki ke'nanga lalang kasukkarang.

PAMMUJI 145:19

Napakasannangi pa'mai'na sikamma tau mappilangngeria; Napilangngeri pakkio'na siagang Napasalamaki ke'nanga.

PAMMUJI 77:3

Ri wattungku kasukkarrang appala' doanga' mae ri Batara; sila'busu' bangngi tena kulanre ampatarai limangku, mingka taerokai nisaleori pa'maikku.

PAMMUJI 62:8

Iami Allata'ala assarea' kasalamakkang siagang kalompoang, Iami pa'la'langangku siagang angngagangnganga' makassaka.

PAMMUJI 42:4

Allo bangngia' angngarru', je'ne' mata mami kanre-kanreangku. Sila'busu'na alloa akkuta'nang musungku angkana, “Kemaeji Allata'alanu?”

PAMMUJI 12:5

angkanaya, “Makoasai ikambe siagang lilana ikambe! Manna apa akkulleji napau ikambe, na tena akkulle anrompai!”