PAMMUJI 101:1 - KITTA' MATANGKASA'

¹ Pammujina Daud. Erokka' akkelong ri passala' tamamminraNa siagang kaadelanNa, mae ri Katte, o, Batara, kelong pammujiku!

PAMMUJI 101:1 Referans Kwoze

PAMMUJI 89:1

Kelong pangngajara' battu ri Etan, tu Ezrahi.

PAMMUJI 145:7

Lanacaritai taua sikontu kabajikanTa siagang akkelong ri passala' kaadelanTa.

PAMMUJI 51:14

Kipa'jari rannua' pole lanri kasalamakkang battua ri Katte, sarea' ati rella untu' mannuruki ri Katte.

PAMMUJI 97:8

Sannangi pa'mai'na pandudu'na Sion siagang kota-kota Yehuda ri wattu nalangngere'na kaputusanNa Batara.

ROMA 11:22

Jari anrinni akkullei nicini' antekamma baji'Na Allata'ala, mingka akkulle tongi nicini' antekamma terasa'Na. Sanna' terasa'Na mae ri tau dorakaya, mingka sanna' baji'Na mae ri kau ngaseng – assala' tuli tutuko attallasa' battu ri kabajikanNa. Nasaba' punna tena, ma'nassa lanipela' tongko.

PAMMUJI 92:2

Tamaka baji'na appala' sukkuruka mae ri Katte, o, Batara, siagang mammuji ri Katte, Allata'ala Kaminang Tinggia;

MIKHA 6:8

Tena! Le'ba'mi Napa'nyata Batara mae ri katte apa bajika. Ia Natuntuka battu ri katte iamintu sollanta a'gau' adele', tuli nigaukangi mangngamaseanga, siagang nipakatuna tallasatta asse're mae ri Allata'alata.