PAMMUJI 10:7 - KITTA' MATANGKASA'

⁷ Tulusu' mattunrana, anggaratta' siagang annipu, kana-kananna sangnging kabirisang siagang kaja'dallang.

PAMMUJI 10:7 Referans Kwoze

AYUB 20:12

Tamaka te'nena kaja'dallanga lalang ri bawana! Kamma nipassayangi lania'lu'; Lanri kammana anjo naboliki rawanganna lilana, sollanna sallo nakasia' nyamanna.

PAMMUJI 144:11

Kilappassanga' battu ri pa'danna tau pallaka; Kipasalamaka' battu ri kakoasanNa bansa maraenga nangaia a'balle-balle siagang annipu, siagang appare' sumpa nipare'-pare'.

PAMMUJI 140:9

TeaKi' turukiangi ero'na tau ja'dalaka, o, Batara, teaKi' lappassangi anjari rancanana ke'nanga.

PAMMUJI 140:3

Narancanakangi ke'nanga kaja'dallanga lalang ri pa'mai'na, siagang allo-allona appa'nia' pa'beserang.

PAMMUJI 73:8

Nacau-caui siagang napakka'-pakkanai taua, siagang akkana tampoi anggaratta' lanajallakkang taua.

PAMMUJI 64:3

Kijagai laloa' battu ri passikongkolanna tau dorakaya, battu ri rancana cara'de'na sikamma tau ja'dalaka.

PAMMUJI 59:12

TeaKi' bunoi ke'nanga, o, Batara, sollanna bansaku tena nakaluppai. Kipasimbungi siagang Kibetai ke'nanga siagang koasaTa, o, Batara, pa'la'langanna ikambe.

PAMMUJI 52:4

Sila'busu' alloko annipu siagang anrancanakangi apa ja'dalaka; lilanu sanrapangi lading cukkuru' taranga.

PAMMUJI 36:3

Nakanai kalenna sanna' heba'na, sa'genna tanaassenga kasalanna, siagang tena nakabirisi.

MATIUS 12:34

Ikau tau ja'dala' ngasengko! Antekammako lakkulle ampaui kabajikanga punna tau ja'dalakko? Apa nupau iamintu bonena lalang atinnu, assulu' battu ri bawanu!

YEREMIA 9:3

siagang tau tuli sadia a'balle-balle. Ri sikontu pa'rasangang, tena koasana katojenganga, ba'lalo kajekkonganga teai sipato' jaina. Nakana Batara, “Tena ammari-marina ummakKu anggaukangi kaja'dallanga, tena naaniA' salaku Allata'alana ke'nanga.”

YESAYA 59:4

Appamajuko parkara natena passabakkanna, siagang tena naadele' batenu angngadeli. A'balle-balleko siagang apa tenaya matu-matunna nupattoang; apparekko rancana untu' ancilakai parannu tau siagang nugaukangi kaja'dallanga.

PANGNGEBARANG 30:8

Tena lalo kupaui kana-kana jekkonga siagang a'balle-ballea, siagang teaKi' lappassangia' a'jari kasi-asi yareka akkalumanynyang. Kisarea' apa kuparalluanga bawang.

PANGNGEBARANG 21:6

Kakalumanynyangngang nigappaya siagang tena lambusu' lintaki tappela' siagang naerangi taua mae ri kuburuka.

PAMMUJI 144:8

nangaia a'balle-balle siagang annipu siagang appare' sumpa nipare'-pare'.

PAMMUJI 62:4

Sa'genna kere wattu ikau ngaseng ambakkai tau sanrapangamo rinring tattiling siagang tembo' la'biringamo rumbang?

PAMMUJI 58:3

Tena, ikau apa ja'dala' nurancana ngaseng, siagang katerassang nugaukang ri anne pa'rasanganga.

PAMMUJI 55:21

Le'ba' belaku nabunduki agang-aganna, nakaluppai janjinna.

PAMMUJI 41:6

Nacarita tau ja'dalaka' musungku, nakellaia' mate ke'nanga na kunikaluppai.

PAMMUJI 12:2

Kitulungi ikambe o, Batara, nasaba' tenamo tau baji', sikamma tau majarreka ri Katte lanynya' ngasemmi.

PAMMUJI 5:9

O, Batara, tamaka jaina musungku! Renrenga' untu' anggaukangi erotTa, naKipicinikianga' oloang mustia kuolo.

AYUB 15:35

Iaminjo ke'nanga anrancanga siagang anggaukangai ja'dalaka; balle-ballea tuli niaki lalang atinna.”

PAMMUJI 50:19

Ikau tuli kana ja'dalaka nupau, siagang tuli sadiako annipu.

PAMMUJI 59:13

Saba' dorakai ke'nanga lanri kana-kananna; boli'mi kamma nialle ke'nanga ri sikko' lalang katampoanna, lanri nangaina ke'nanga attunra siagang a'balle-balle.

AMOS 8:4

Pilangngeri, he ikau ngaseng anjallakkangai tu kasi-asia ri anne pa'rasanganga sa'genna panra' ke'nanga!