PAMMUJI 10:5 - KITTA' MATANGKASA'

⁵ Anjari ngaseng sikontu usahana tu ja'dalaka; tanaassengai yareka tanapahangai hukkunNa Batara na nacini' tuna sikontu balinna.

PAMMUJI 10:5 Referans Kwoze

YESAYA 26:11

O, Batara, sadia maKi' langhukkungi musunTa, mingka tanaassengai kalenna ke'nanga. Lappassammi ke'nanga ammakkala' kacci anciniki pangngamaseanTa mae ri ummatTa. Lappassammi ke'nanga cappu' niancuru' ri hukkungang Kisadiakanga mae ri ke'nanga.

PAMMUJI 12:5

angkanaya, “Makoasai ikambe siagang lilana ikambe! Manna apa akkulleji napau ikambe, na tena akkulle anrompai!”

ROMA 3:16

Sangnging kasusaang mami siagang kaancurang napasiara' mange-mange.

HOSEA 14:9

Lanapelaki tu Israel patung-patung barhalana; laKuparakai ke'nanga naKupilangngeri pappala' doanna. Rapang poko' kayu tuli jaina leko'na, iNakke lalla'langngi ke'nanga. INakkemi kabattuanna sikontu barakkaka mae ri ke'nanga. INakke, Batara, anne akkana.”

HOSEA 9:9

Teai sipato' ja'dala'na panggaukannu sangkamma le'baka nagaukang taua ri Gibea. LaNau'rangi Allata'ala kasalannu, siagang Nahukkungko lanri dosanu.

YESAYA 42:25

Jari nikasia'mi pangngalarroi heba'Na, sessa maki' lanri pa'bundukang lompo. PangngalarroinNa rapangi pepe' angkanrei Israel, mingka taniassengai kalenta, siagang tena nippilajara' battu ri apa le'baka nikasia'.

YESAYA 28:15

Nukana kalennu le'ba' mako appare' panjanjiang siagang kamateanga, kammayatompa appare' passitujuang siagang lino tau matea. Nupattantui ri kalennu angkana anjo bala labattua sallang talanatujuako, lanri akkala' balle-ballenu.

YESAYA 10:1

Cilakako kau appareka hukkung tenaya naadele' untu' anjallakkangi bansaKu.

YESAYA 5:12

Nia' ri pa'gaukang-pa'gaukannu sa'ra kacapi, gambusu', rabana, siagang suling, siagang nia' inungang anggoro'. Mingka tena nujampangi bate pa'jariNa Batara siagang apa Nagaukanga.

PANGNGEBARANG 24:1

Teako angngiri matai mae ri tau ja'dalaka, siagang teako eroki a'bela siagang ke'nanga.

PANGNGEBARANG 15:24

Tau cara'deka amminawangi ri oloang angngambika mange ri katallassanga; teai oloang naunga mae ri kamateanga.

PANGNGEBARANG 2:15

Kodi sipaki siagang jekkongi ke'nanga lalang tallasa'na.

PANGNGEBARANG 2:13

Taerokai ke'nanga anturuki nikanaya cara attalasa' bajika; oloang sassang siagang rassia dosa naolo ke'nanga.

PANGNGEBARANG 1:19

Kamma memangi, angkanaya tau ammakea katerassang a'boya dalle', nyawana tonji ke'nanga lanapabayara'.

1 KARAENG-KARAENG 20:13

Lalang anjo wattua, nia'mo sitau na'bi mange ri Karaeng Ahab na nakana, “Nakana Batara, ‘Nuciniki anjo tantara jaia? LaKusareko pammetang mae ri ke'nanga anne alloa. Lanuassengi angkanaya iNakkemi Batara.’ ”

2 SAMUEL 5:6

Ri se'reang allo a'lampai Karaeng Daud siagang ana' buana ero' ambunduki Yerusalem. Pandudu'na anjo kotaya, iamintu tu Yebus, nakapangi angkanaya tanakulleai Daud ambetai Yerusalem. Lanri kammana anjo nakanamo ke'nanga ri ia, “Takkulleako lantama' mae; manna tau butaya siagang tau tempanga akkulle tongi ambongkako.”

HAKING-HAKING 9:38

Nakanamo Zebul ri Gaal, “Jari kemaemi kamma-kamma anne sa'ra lomponu? Riolo nukana apa saba'na kimusti amminawang turu' mae ri anjo Abimelekh? Iaminne anjo sikamma tau nuhinaya. Kamma-kamma anne maju mako ambunduki ke'nanga!”

HAKING-HAKING 9:27

A'lampami ke'nanga angngalle rappo anggoro', ri koko-koko anggoroka, nampa napare' je'ne' anggoro'. Nampa appare' ke'nanga passua'-suarrang. Angnganre-nganremi ke'nanga ri tampa' panynyombang rewataya, nasumpa-sumpai tojeng Abimelekh.

PA'JARIANG 6:12

Nacinikimi Allata'ala anjo linoa, na sangnging kaja'dallang mami Nacini', lanri sikamma rupataua ja'dala' ngasemmi lalang tallasa'na.

AYUB 24:23

Allata'ala assarei tallasa' salewangang, mingka tenammarina Najannangngi.

PAMMUJI 73:3

saba' angngiri mata' mae ri tau tampoa, ri wattunna kucini' kaupakkanna tau ja'dalaka.