PAMMILANGNGANG 9:5 - KITTA' MATANGKASA'

⁵ Napakalompomi ke'nanga anjo allo Paskaya ri parang lompona Sinai ri wattu karueng tanggala' sampulo angngappa' bulang se're. Yangasenna anjo nagaukammi ke'nanga situru' apa Naparentakanga Batara mae ri Musa.

PAMMILANGNGANG 9:5 Referans Kwoze

YOSUA 5:10

Lalang akkemana ri Gilgal, ri lappara' ambania ri Yerikho, napakalompomi umma' Israel Allo Lompo Paskaya ri wattu karuenna tanggala' sampulo angngappa' anjo bulanga.

IBRANI 11:8

Lanri tappa'na, naturukimi Abraham ero'Na Allata'ala ri wattunna nikio' siagang nisuro ri Allata'ala a'lampa mange ri pa'rasangang Napa'janjianga Allata'ala mae ri ia. A'lampami Abraham manna natanaassenga pa'rasangang lanatujua.

IBRANI 3:5

Tamalanreai Musa a'jari palayang lalang ri Balla'Na Allata'ala siagang ampabattui apa-apa laNapa'nyataya Allata'ala sallang ri allo labattua.

LAMPA-LAMPANA 26:19

“Jari lanri kammana, Karaeng Agripa, tuli kuusahaimi nikanaya amminawang turu' mae ri anjo apa le'baka nipicinikianga' siagang kutarimaya battu ri Allata'ala.

YOHANES 15:14

Ikau ngasemmi antu passari'battangangKu, punna nugaukangi apa Kuparentakanga ri kau.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

PAOLE 4:5

Sikontu anjo hukkunga kupangngajarrangi mae ri kau situru' Naparentakanga Karaeng Allata'alaku. Turuki ngasengi sikammaya anjo ri pa'rasangang lanupantamakkia siagang lanupammantangngia.

PAOLE 1:3

Ri tanggala' se're bulang sampulo asse're lalang taung makapatampulona le'ba'na nabokoi ke'nanga butta Mesir, napabattumi Musa mae ri anjo bansaya sikontu apa Nasuro pabattua Batara mae ri ke'nanga.

PAMMILANGNGANG 29:40

Napabattumi Musa mae ri bansa Israel sikontu anjo apa Naparentakanga Batara mae ri ia.

PAMMILANGNGANG 8:20

Lanri kammana anjo, Musa, Harun siagang sikontu umma' Israel napassareammi anjo tu Lewi mae ri Batara, sangkamma Naparentakanga Batara mae ri Musa.

KALAPPASSANG 39:42

Le'ba'mi nagaukang tu Israel sikontu jama-jamanga anjo, situru' parentaNa Batara mae ri Musa.

KALAPPASSANG 39:32

Kala'busanna le'ba' ngasemmi anjo jama-jamang appareka KemaNa Batara. Le'ba'mi nagaukang tu Israel sikamma apa Naparentakanga Batara mae ri Musa.

PA'JARIANG 7:5

Nampa nagaukang ngasemmo Nuh anjo sikontu apa Napassuroanga Batara mae ri ia.

PA'JARIANG 6:22

Nagaukang ngasemmi Nuh anjo sikontu apa Napassuroanga Allata'ala mae ri ia.

PAMMILANGNGANG 9:4

Jari nisuromi bansa Israel ri Musa ampakalompoi anjo allo Paskaya.

KALAPPASSANG 12:50

Mannuruki ngasemmi tu Israel siagang nagaukang ngasemmi sikamma anjo apa le'baka Naparentakang Batara mae ri Musa siagang Harun.

PAMMILANGNGANG 1:54

Jari nagaukammi tu Israel sikontu anjo apa Naparentakanga Batara mae ri Musa.