PAMMILANGNGANG 9:23 - KITTA' MATANGKASA'

²³ Ammantangi ke'nanga ri se'reang tampa' siagang a'lampai ke'nanga ri se'reang tampa' maraeng situru' ngasengi parentaNa Batara iamintu Napassareanga Batara tete ri Musa.

PAMMILANGNGANG 9:23 Referans Kwoze

YOSUA 22:3

Anne siapa sallona tale'bakai nubalang parekang sikamma sari'battannu, iamintu tu Israel maraenganga, a'bundu' kalenna. Le'ba'mi nuturuki parenta-parentaNa Karaeng Allata'alanu siagang pa'mai' attojeng-tojeng.

PAMMILANGNGANG 9:19

Punna sallo anjo rammanga nia' irateanganna anjo Kemaya, mannuruki ke'nanga mae ri paratoranNa Batara siagang ta'lampayai ke'nanga battu ri anjo tampaka.

ZAKHARIA 3:7

“Punna mannurukiko ri hukkung-hukkungKu siagang nugakang sikamma tugasa' Kupassareanga mae ri kau, situlusu'nu lakkulle a'jari pamimping ilalang ri Ballakku siagang angngurusuki paranglakkenna. LaKupilangngeri sikamma pappala' doannu, sangkamma Kupilangngerinna pappala' doanna sikamma malaeka' niaka ri ampikKu.

YEHEZKIEL 44:8

Teai ke'nanga bawang anggaukangi sikamma pa'gaukang matangkasaka lalang ri BallakKu, passangalinna tau bansa maraenga nasare tongi tugasa' ke'nanga untu' anggaukangi.

PA'JARIANG 26:5

LaKubarakkaki ngasengko, lanri le'ba'namo mannuruki Abraham ri Nakke siagang nakatutui sikamma hukkungKu siagang parentaKu.”

PAMMILANGNGANG 10:1

Nakana Batara mae ri Musa,

PAMMUJI 73:24

Kirenrenga' siagang pappakainga', siagang Kitarima' lalang kala'birang sallang.

PAMMUJI 107:7

Naului ke'nanga ri oloang lambusuka mange ri tampa' pammantangnganga ri kotaya.

YESAYA 63:14

Naerangi Batara ke'nanga mae ri tampa' pammantangnganga, rapang olo'-olo' piara niemba mange ri paranga untu' a'ruku'. Kammaminjo bateNa anrurungangi umma'Na, sollanna nipakala'biri' arenNa.

KALAPPASSANG 17:1

Nampa a'lampamo bansa Israel ambokoi parang lompo Sin, nampa a'lette'-lette' battu ri se'reang tampa' mange ri tampa' maraenga situru' Naparentakanga Batara. Ri se'reang wattu akkemami ke'nanga ri Rafidim, mingka tena je'ne' inung anjoreng.

PAMMILANGNGANG 10:13

Iaminjo uru a'lampana ke'nanga lanri parentaNa Batara tete ri Musa.