PAMMILANGNGANG 9:2 - KITTA' MATANGKASA'

^2-3 “Ri tanggala' sampulona angngappa' anne bulanga, appakkaramula ri wattu labuna alloa, musti napakalompoi tu Israel allo Paskaya situru' paratorang le'baka nipattantu.”

PAMMILANGNGANG 9:2 Referans Kwoze

2 PATTOTTORANG 35:1

Nampa nasuarri Yosia Allo Lompo Paskaya ri Yerusalem untu' ampakala'biriki Batara. Gimbala' untu' anjo allo lompoa nipolommi ri tanggala' 14 bulang se're.

KAIMANGNGANG 23:5

Allo Lompo Paska ia nipakasuaraka untu' ampakala'biriki Batara, appakkaramulai ri wattu labuna alloa ri tanggala' sampulo angngappa' bulang se're.

LUKAS 22:7

Narapi'mi allonna nisamballe gimbala' lanikanrea ri allo Paskaya, lalang ri Passua'-suarrang Roti Tenaya Nammake Pa'gambang.

MARKUS 14:12

Ri allo makase'rea, ri wattunna Passua'-suarrang Roti Tenaya Nammake Pa'gambang, ammolongi taua gimbala' untu' Paska. Akkuta'nammi ana'-ana' gurunNa Isa angkana, “Kemae Kikellai nipasadia kanre Paskaya untu' iKatte Bapa'?”

EZRA 6:19

Ri tanggala' sampulo angngappa' sitaung ribokoanganna, ri wattu ammotere'na sikamma anjo taua battu ri pa'rasangang pammelakkanga, napakalompomi ke'nanga Allo Paskaya.

YOSUA 5:10

Lalang akkemana ri Gilgal, ri lappara' ambania ri Yerikho, napakalompomi umma' Israel Allo Lompo Paskaya ri wattu karuenna tanggala' sampulo angngappa' anjo bulanga.

PAMMILANGNGANG 28:16

Ri tanggala' sampulo angngappa' bulang se're, iami Allo Paska untu' Batara.

2 KARAENG-KARAENG 23:21

Nampa naparentakang Karaeng Yosia mae ri ra'yaka untu' ampakalompoi Allo Paskaya sangkamma niaka tattulisi' lalang ri kitta' “Parjanjiang Siagang Batara.” Lalang kammana anjo napakalompomi Batara, Allata'alana ke'nanga.