PAMMILANGNGANG 9:15 - KITTA' MATANGKASA'

^15-16 Ri allo nipaentenna KemaNa Batara, battumi rammanga nampa narangka' anjo Kemaya. Ri wattunna bangngi sa'genna bari'basa' anjo rammanga kammai pepe' nicini'.

PAMMILANGNGANG 9:15 Referans Kwoze

KALAPPASSANG 13:21

Punna allo niaki Batara a'jappa ri dallekanna ke'nanga lalang ri benteng rammanga; na punna bangngi a'jappai ri dallekanna ke'nanga lalang ri benteng pepeka untu' ampicinikiangi ke'nanga oloang. Lanri kammana anjo akkullei ke'nanga a'jappa allo bangngi.

KALAPPASSANG 40:34

Nampa naummo rammanga antongkoki KemaNa Batara, siagang rassimi anjo Kemaya siagang caya kahaderanNa Batara.

PAMMUJI 78:14

Naului ke'nanga siagang rammang ri wattu allo nampa nasare singara' pepe' sila'busu' bangngi.

NEHEMIA 9:19

Mingka manna ri paranga taKibokoiai ke'nanga, lanri sukkutTa ri pangngamaseang. TaKipalesangngai ammotere' benteng allung siagang pepe', angngului ri jappana ke'nanga allo bangngi.

1 KORINTUS 10:1

Sikamma sari'battangku! Parallui nuu'rangi apa le'baka kajariang ri boe-boeta ri wattunna amminawang ke'nanga ri Musa. Nila'langi ke'nanga siagang rammang, siagang nipasalamaki ke'nanga a'limbang ri Tamparang Ejaya.

YESAYA 4:5

Nampa irateanna Bulu' Sion siagang sikamma tau niaka a'rappung anjoreng, laNapa'niaki Batara rammanga ri wattu allo, siagang umbu na pepe' a'rinra ri wattunna bangngi. KalenNa Allata'ala lalang koasaNa lalla'langi siagang lanjagai sikontu anjo kotaya.

PAMMUJI 105:39

Naka'rangi Batara rammanga untu' alla'langi umma'Na, siagang pepe' untu' ansingari ke'nanga ri wattu bangngi.

NEHEMIA 9:12

Kipimping ke'nanga siagang allung ri wattu singara' alloa. Ri wattunna bangngi Kisingari oloanna siagang benteng pepe'.

PAMMILANGNGANG 14:14

siagang lanacaritai ke'nanga mae ri sikamma tau niaka anrinni angkanaya iKatte, Batara, anrurungangi ikambe. Le'ba' tommi nalangngere' ke'nanga angkanaya Kipappicinikangi KalenTa mae ri kambe ri wattunTa a'jappa ri dallekanna ikambe lalang ri benteng rammanga punna allo, siagang lalang ri benteng pepeka punna bangngi.

KALAPPASSANG 40:38

Lalang a'la'ba'na a'jappa bansa Israel, tuli niaki Batara ri anjo Kemaya, a'rupa rammang punna allo siagang a'rupa pepe' punna bangngi.

KALAPPASSANG 40:2

“Bangummi anjo KemaKu ri tanggala' se're bulang se're.

KALAPPASSANG 14:24

A'biringi bari'basa', attoa'mi Batara battu ri benteng pepeka siagang rammanga mae ri tantara Mesir nampa Napa'jari sikaco-kaco ke'nanga.

KALAPPASSANG 13:22

Sila'busu' alloi nia' anjo benteng rammanga ri dallekanna anjo bansaya siagang sikabusu'na bangngia nia' anjo benteng pepeka anrurungangi ke'nanga.

PAMMILANGNGANG 10:34

Punna a'lampa ke'nanga battu ri pakkemaanga, tuli nia'na rammanNa Batara irateanna ke'nanga punna allo.

PAMMILANGNGANG 17:7

Nampa naboli' Musa anjo sikamma takkanga ilalang ri KemaNa Batara, ri dallekanna Patti Parjanjianga.

PAOLE 1:33

Ia niaka a'jappa ri dallekannu ampa'boyangko tampa' untu' akkema. Ia anjo'jokangko oloang punna bangngi lalang rupa benteng pepe', siagang a'rupa benteng rammang punna allo.”

KALAPPASSANG 40:35

Lanri kammana anjo takkulleami antama' Musa ri anjo Kemaya.