PAMMILANGNGANG 8:3 - KITTA' MATANGKASA'

³ Nagaukammi Harun anjo apa Naparentakanga Batara. Napatabami anjo lampu-lampua a'dalle' mae ri bageang dallekanna bangkeng lampua.

PAMMILANGNGANG 8:3 Referans Kwoze

MATIUS 5:15

Tenanniakka tau apparinra lampu nampa natongko' katoang. Passangalinna naboliki irate ri pa'dongkokanna, sollanna nasingari ngasengi tau niaka lalang balla'.

PAMMILANGNGANG 8:2

“Pauangi Harun angkanaya punna napataba anjo tujua lampu mae ri anjo bangkeng lampua, musti napataba bajiki sollanna akkulle nasingari bageang dallekanna anjo lampua.”

PAMMILANGNGANG 8:4

Anjo pammoneang lampua, sa'genna irateanna siagang bunga-bunga pa'belo-belona bulaeng nide'de' nipare', situru' conto Napappicinikanga Batara mae ri Musa.

KALAPPASSANG 39:37

bangkeng lampu battu ri bulaeng ti'no', lampu-lampuna siagang sikamma pakkakasa'na, minynya' untu' lampu,

KALAPPASSANG 40:25

nampa naparinra anjo lampu-lampua ri dallekanNa Batara.