PAMMILANGNGANG 6:3 - KITTA' MATANGKASA'

^3-4 takkulleai angnginung je'ne' anggoro' siagang inungang terasa'. Manna inungang terasa' antekammaya iamintu nipareka battu ri anggoro' yareka rappo-rappoang maraengannaya, takkulleai nainung. Takkulleai angnganre rappo anggoro' beru yareka kalotoroka, yareka manna pole apa-apa mamo battua ri poko' anggoroka; lisere'na yareka pucu'na takkulleai nakanre.

PAMMILANGNGANG 6:3 Referans Kwoze

LUKAS 1:15

La'jari tu nipakalompoi ri dallekanNa Allata'ala. Talangnginungai anggoro' siagang inungang terasa'. Pakkaramula battu ri nilassukanna lanirurungangi ri RohNa Allata'ala.

1 TIMOTIUS 5:23

Teako tuli je'ne' bawang nuinung; mingka angnginung tongko sike'de' anggoro' sollanna a'jari baji' lalang parru'nu, natena nutuli garring-garring.

EFESUS 5:18

Teako nabengoi anggoro', nasaba' anjo anggoroka akkulleko napanraki. Passangalinna paralluko nikoasai ri RohNa Allata'ala.

AMOS 2:12

Mingka nusarei anjo Pangawasaka angnginung anggoro', sa'genna takkaluppa ke'nanga ri janjinna. Siagang ikau ngaseng nupisangkai na'bi-na'bia ampabattui pasangKu.

KAIMANGNGANG 10:9

“Punna le'bakko angnginung je'ne' anggoro' yareka inungang terasa', ikau siagang ana'-ana'nu takkulleako antama' ri KemaKu. Punna nudakkai anjo paratoranga, lamateko. Anjo parentaya musti naturuki sikontu jari-jarinu.

1 TESALONIKA 5:22

Pakabellai kalennu battu ri sangka' rupaya kaja'dallang.

LUKAS 21:34

“Jagai kalennu, gassingka sangnging assua'-suaraka, angnginung inungang terasa', yareka sangnging passala' katallassannu bawang nunawa-nawa, sa'genna tena nusadia natanusanna-sannaya nabattumo anjo wattua.

IBRANI 9:10

Nasaba' anjo upacara-upacaraya poro mange bawang ri passala' kanre-kanreang, inung-inungang, siagang a'rupa-rupa upacara pannangkasi. Yangasenna anjo poro paratorang-paratorang nacinikaji bawang mata, akkullea tappake sa'genna bawang ri wattunna Naberui ngaseng Allata'ala sikontu apa-apa niaka.

HAKING-HAKING 13:4

Jari katutui baji'mi kalennu. Teako angnginungi anggoro' yareka inungang terasa', teako angnganrei apa-apa harang.

AMOS 2:11

Le'ba'mi Kupilei siapa are battu ri ana'-ana'nu untu' a'jari na'bi, siagang siapa are turungka untu' a'jari tu Pangawasa'. Sai anjo kammaya annabai, he tu Israel? INakke, Batara, anne akkana.