PAMMILANGNGANG 6:27 - KITTA' MATANGKASA'

²⁷ Siagang Nakana Batara, “Punna nasa'bu' ke'nanga arengKu salaku barakka' mae ri bansa Israel, iNakke lambarakkaki ke'nanga.”

PAMMILANGNGANG 6:27 Referans Kwoze

2 PATTOTTORANG 7:14

nampa napake arengKu anjo UmmakKu ampakatunai kalenna, siagang appala' doang kammayatompa battui mae ri Nakke na nabokoi panggaukang ja'dala'na ke'nanga, laKupilangngeri battu ri suruga pappala' doanna ke'nanga. LaKupammopporangi dosa-dosana ke'nanga siagang Kupa'jari coppongi pa'rasanganna ke'nanga ammotere'.

PAOLE 28:10

Jari sikontu bansaya ri anne linoa lanaciniki angkanaya ikaumi bansa Napilea Batara, siagang langngali'mi ke'nanga mae ri kau.

EFESUS 1:3

Nipujimi Allata'ala, ManggeNa Batarata Isa Almasi. Iami ambarakkakiki' siagang sikontu barakka' rohani lalang ri suruga, lanri a'jari se'reta siagang Almasi.

YEREMIA 14:9

Angngapa Kisangkamma tau lingu; rapang tubarani tenaya nakkulle annulung? Mingka, mattantu niakKi' ri tangnga-tangngana ikambe, o Batara! Ikambe ummatTa, teaKi' bokoi!’ ”

YESAYA 43:7

Saba' nikio' ngasemmi ke'nanga lalang arengKu, Kupa'jari ke'nanga untu' ampakala'birikKa'.”

PAMMUJI 5:12

Poro rannu pa'mai' ngaseng tu ma'la'langa ri Katte na tuli ma'reja-reja satunggu-tungguna. La'langi sikamma tu mangngaia ri Katte, sollanna rannu ke'nanga lanri iKatte.

1 PATTOTTORANG 4:10

Mingka appala' doangi Yabes mae ri Allata'ala nisombaya ri tu Israel, angkana, “O Allata'ala, Kibarakkakia', naKitambai luara'na daera kuparentaya. La'langia' siagang Kipakabella' battu ri balaya, sollanna tena nakusessa.” Na niturukiang pappala'na ri Allata'ala.

PA'JARIANG 32:29

Nakanamo Yakub, “Kipaumi inai arenTa Karaeng.” Mingka appialimi anjo taua angkana, “Tena naparallu nupakkuta'nangngang angkana inai arengku!” Nampa nabarakkaki Yakub.

MATIUS 28:19

Jari a'lampamako mange ri sikontu bansaya ri lino, pa'jarimi ke'nanga ana'-ana' gurungKu. Je'neki ke'nanga lalang arenNa Manggea, siagang Anaka, kammayatompa RohNa Allata'ala.

PAMMUJI 67:7

Angngerammi wassele' buttaya, Allata'ala, le'ba' maki' Nabarakkaki Allata'alata.

PAMMILANGNGANG 23:20

Nisuroa' assare barakka'; siagang punna Allata'ala assare barakka', takkulleai kubeso' ammotere'.

PA'JARIANG 32:26

Nampa nakana anjo taua, “Lappassanga', kala'birimmi ammumba alloa.” Appialimi Yakub angkana, “Tena nakulappassangki' karaeng, punna tena kibarakkakia'.”

2 SAMUEL 7:23

Ri sikontu linoa tena nia' bansa sangkamma Israel. Tena ruanna bansa Israel le'ba' Kilappassang battu ri tunipare' ataya untu' Kipa'jari umma' kalenTa. Sikontu gau' malompoa siagang appakalannasaka Kigaukanga mae ri ke'nanga, ampa'jari masahoroki arenTa ri sikontu linoa. Bansa-bansa maraenga siagang rewata-rewatana le'ba'mi Kibongka ri wattunna maju ummatTa a'bundu'.

KALAPPASSANG 6:3

Appare' tongA' parjanjiang siagang ke'nanga. A'janjiA' angkana laKusarei ke'nanga pa'rasangang Kanaan, iamintu pa'rasangang le'baka napammantangngi ke'nanga riolo salaku tau battu-battu.