Biblia Todo Logo
Bib sou entènèt

- Piblisite -




PAMMILANGNGANG 6:26 - KITTA' MATANGKASA'

26 Dasi-dasi Nanakamaseangko siagang Nasareko passiamakkang Batara.

Gade chapit la Kopi




PAMMILANGNGANG 6:26
24 Referans Kwoze  

Passareangi koro'bang mannabaya na tappa' mako ri Batara.


Batara kabattuanna kasalewanganta. Poro Iami tuli assareko kasalewangang lalang sikontu katallassannu. Poro tuli Narurungang ngasengko Batara.


Poro nisare lalo kagassingang umma'Na ri Batara, na Napa'jari ke'nanga salewangang.


Allata'alami tampa' panrannuannu. Poro Nabonei pa'mai'nu sikontu karannuang siagang salewangang, lanri tappa'nu mae ri Ia, sollanna lanri koasa RohNa Allata'ala nanupila' manrannuang mae ri Allata'ala.


Kupau ngasengi anne mae ri kau, sollannu anggappa salewangang lanri asse're ngasengko siagang iNakke. Lasessako lalang ri linoa. Mingka jarreki pa'mai'nu! Le'ba'mi Kubeta anne linoa!”


Le'ba'ma' Nujo'jokang oloang mangea ri katallassang sitojennaya. Sanna' sikalimi lompona rannuku, lanri nia'Nu anrurunganga'.’


O, Batara, iKatte assare passiamakkang siagang salewangang mae ri tau jarreka pa'mai'na, lanri tappa'na mae ri Katte.


Poro Allata'ala, akkullea assarei salewangang rupataua, anrurungang ngasengko lalang ri katallassannu. Aming!


Sikalipa pole Nakana Isa ri ke'nanga, “Salamakko siagang salewangang ngasengko. Sangkamma iNakke NasuroA' Manggea, sangkamma tomminjo naKusuro ngaseng tongko.”


Punna kuu'rangi wattu riolo si'nai pa'maikku, ri wattungku mange ri Balla'Na Batara ri Yerusalem siagang tau jaia appare' passua'-suarrang. A'jappa' ri dallekanna barisang tau jaia akkio' rannu akkelong lagu pammuji.


Na Iaminjo Allata'ala takkullea napahang akkala'na rupataua, lassareko katallassang salewangang; siagang langkatutui nyawanu siagang pikkirannu le'bakamo asse're siagang Isa Almasi.


“Nipujimi Allata'ala ri langi' kaminang tinggia! Nasalewangang rupataua ri tompo'na linoa mappakate'nea ri atinNa Bataraya!”


LaKusarei kasannangngang sikontu taua, baji' tau ambania kammayatompa tau bellaya. LaKupakabajiki ummakKu.


O, Batara, iKatte lampa'jari salewangangi ikambe; sikontu najamaya ikambe, iKattemi anggaukangi untu' ikambe.


Dasara'na kakaraenganTa iamintu kaadelang siagang hukkung, pangngamaseanTa siagang tamamminraTa a'nyatai lalang sikontu tindakanTa.


Parhatikangi tau bajika siagang tau lambusu' pa'maika; tau nangaia assiama' bajiki allo ri bokona.


Nuasseng ngasemmi bonena kabara' Napabattua Allata'ala mae ri bansa Israel. Anjo kabaraka, iamintu ri passala'na Kabara' Baji' passiamakkang lalang ri KalenNa Isa Almasi iamintu Batara mae ri sikontu rupataua.


Sidaminggu ribokoanganna, nia'mi pole a'rappungang anjo ana'-ana' gurunNa Isa ri anjo tampaka. Anjo wattua nia' tommi Tomas. Ta'joli ngasengi pakke'buka. Mingka nia'mi battu ammumba Isa siagang ammenteng ri tangnga-tangngana ke'nanga, na Nakana, “Salamakko siagang salewangang ngasengko.”


Kubolikang mako kasalewangang. Kasalewangang battua ri KalengKu Kupassareang mae ri kau. Na anjo apa Kupassareanga mae ri kau, tasangkammayai apa napassareanga linoa mae ri kau. Teako lussaki pa'mai'nu, siagang teako mallakki.


IKatte kalenTa ambongkai bansa-bansaya sollanna ammantang ummatTa ri pa'rasanganna ke'nanga. Bansa-bansa maraenga Kicilakai, mingka ummatTa Kilappassang a'bakka'-bakka'.


Poro Allata'ala Manggea, siagang Batara Isa Almasi ansarei pakkulle sikontu jama'aka untu' assamaturu' siagang assikamaseang kammayatompa tuli tappa' mae ri Almasi.


Kamma-kamma anne assibajiki maki' ammotere' siagang Allata'ala, lanri tappa' maki' mae ri Ia. Siagang lanri kammana, attallasa' maki' lalang kasiamakkanga siagang Allata'ala, tete ri Batarata Isa Almasi.


Swiv nou:

Piblisite


Piblisite