PAMMILANGNGANG 6:25 - KITTA' MATANGKASA'

²⁵ Dasi-dasi Namabaji' pa'mai' siagang malammoro' pa'mai' Batara mae ri kau.

PAMMILANGNGANG 6:25 Referans Kwoze

PAMMUJI 80:19

Natena nalammengka maraeng ikambe battu ri Katte; Kijagai tallasa'na ikambe, nalamammuji ikambe mae ri Katte.

PAMMUJI 119:135

Kibarakkakia' siagang kahaderanTa, siagang ajaria' katantuanTa.

PAMMUJI 31:16

IKatte tuli amparakaia'; Kipasalama' laloa' battu ri musu-musungku, siagang battu ri sikamma tau angngondangia'.

PAMMUJI 67:1

Untu' pamimping pakelong. Nirurungangi ri kacapi. Pammuji.

DANIEL 9:17

O Allata'alana ikambe, Kipilangngeri laloi pappala' doangku siagang sambayangku. Kipakabajiki ammotere' anjo ballatTa le'baka niancuru'; Kipakabajiki sollanna sikontu taua akkullei naasseng angkanaya iKatte Allata'ala.

PAMMUJI 80:7

Kibalang parekangi bansa-bansa siampi'na ikambe ampa'beserangi buttana ikambe ammakkala' sannang ngasemmi musu-musunna ikambe.

KALAPPASSANG 33:19

Appialimi Batara angkana, “LanumaloA' siagang sikontu kala'birangKu ri dallekannu, nampa Kupau areng matangkasakKu. INakkemi Batara, siagang laKupappicinikangi kalammoranna pa'maikKu siagang pangngamaseangKu mae ri sikamma tau le'baka Kupile.

MALEAKHI 1:9

Kamma-kamma anne, he sikamma imanga, coba sai pala' mae ri Allata'ala sollanna Nakamaseangki'. Tena Nalanapiali pappala' doannu, siagang anjo battu ri kasalannu tonji.

PA'JARIANG 43:29

Ri wattunna nacini' Yusuf anjo Benyamin, iamintu andi'na, nakanamo, “Jari iaminne anjo andi'nu bungkoa, le'baka nupau ri nakke? Poro Nabarakkakiko Allata'ala, na'.”

YOHANES 1:17

Nitarimai HukkunNa Batara, tete ri Musa. Mingka pangngamaseang siagang pangngatutuiNa Allata'ala nipa'nyatami lalang ri Isa Almasi.

PAMMUJI 86:16

Kiparhatikanga' siagang Kikamaseanga', Kipakajarreka' siagang Kipasalamaka', saba' sangkamma ammakku, nakke manynyomba tonga' mae ri Katte.

PAMMUJI 21:6

Lanri pannulunTa nasanna'mo nipakala'biri'na, Kipa'jari masahoro' siagang accaya.

ROMA 1:7

Iaminjo saba'na nakutulisi' anne suraka mae ri kau ngaseng. Poro Nabarakkakiko siagang Nasareko katallassang salewangang Allata'ala Manggea siagang Batarata Isa Almasi.

PAMMUJI 4:7

Jai tau makkuta'nang, “Inai lambarakkakiki'?” Poro mangngellaiKi' ri anne kambe, o Batara.