PAMMILANGNGANG 6:14 - KITTA' MATANGKASA'

¹⁴ siagang angngerang mae ri Batara tallung kayu olo'-olo' tenaya callanna: sikayu ana' gimbala' laki umuru' sitaunga untu' koro'bang nitunu, sikayu ana' gimbala' gana umuru' sitaunga untu' koro'bang pammopporang dosa, siagang sikayu gimbala' laki untu' koro'bang passiamakkang.

PAMMILANGNGANG 6:14 Referans Kwoze

KAIMANGNGANG 4:32

Punna nia' tau assare sikayu gimbala' untu' koro'bang nipammopporanna dosana, anjo gimbalaka musti gana siagang tenaya callanna.

KAIMANGNGANG 3:6

Punna anjo nipassareanga iamintu sikayu bembe yareka gimbala' untu' koro'bang passiamakkang, akkullei laki, akkulle tongi gana, mingka takkulleai nia' caca'na.

1 PETRUS 1:19

passangalinna apa sannaka lompona anggaranna; iamintu KalenNa Almasi, a'jaria sanrapang gimbala' tenaya callanna, nikoro'bangkanga mae ri Allata'ala.

1 PATTOTTORANG 15:26

Nia' tuju kayunna sapi laki siagang tuju gimbala' nikoro'bangkang mae ri Allata'ala lanri Natulunna tu Lewi angngangkaki anjo Patti Parjanjianga.

PAMMILANGNGANG 15:27

Punna sitauji bawang anggaukangi anjo dosa tenaya nikunjungi, anjo taua musti assarei koro'bang sikayu bembe gana umuru' sitaunga untu' koro'bang pammopporang dosa.

KAIMANGNGANG 14:10

Ri allo makasagantujuna anjo taua musti angngerangi ruang kayu ana' gimbala' laki siagang sikayu ana' gimbala' gana umuru' sitaunga, yangasenna tena callanna. Pantaranganna anjo angngerang tongi tallu kilo labu' le'baka nipasileo' siagang minynya' zaitun siagang minynya' zaitun bage talluna se'rea litere'.

KAIMANGNGANG 4:27

Punna nia' sitau ra'ya' biasa a'gau' dosa lanri tena nakunjungi andakkai kalase'renna parentaNa Batara,

PAMMUJI 66:15

Kupassareangi mae ri Katte koro'bang nitunu battu ri olo'-olo' nipilea, bembe, gimbala', siagang sapi laki, a'rumbui umbunna nai' ri langika.