PAMMILANGNGANG 5:26 - KITTA' MATANGKASA'

²⁶ Nampa musti angngalle sikangkang labu' salaku pammatei angkanaya sikontu anjo labuka le'ba'mi nipassareang, nampa natunu irate ri tampa' pakkoro'bangnganga. Kala'busanna, anjo je'neka nipainungangi anjo bainea.

PAMMILANGNGANG 5:26 Referans Kwoze

KAIMANGNGANG 2:2

Musti naerangi mange ri imang jari-jarina Harun. Imang tugasaka anjo wattua musti naallei sikangkang anjo labuka siagang minynya' zaitunna kammayatompa sikontu kamanynyanna, nampa natunu irate ri tampa' pakkoro'bangnganga, salaku pammatei angkanaya yangasenna anjo nipassareang ngasemmi mae ri Batara. Rasanna anjo koro'bang kanrea lanapakasannangi nyawaNa Batara.

KAIMANGNGANG 5:12

Anjo labuka musti nierangi mange ri imanga. Imanga musti naallei sikangkang anjo labuka a'jari pammatei angkanaya le'ba'mi napassareang ngaseng anjo koro'banga mae ri Batara. Anjo labu' sikangkanga musti nitunui irate ri tampa' koro'banga salaku koro'bang kanre-kanreang. Iaminjo koro'banna sollanna nipammopporang dosana.

KAIMANGNGANG 2:9

Naallei imanga sipa'gang anjo rotia nampa natunu irate ri tampa' pakkoro'bangnganga a'jari pammatei angkanaya yangasenna anjo nipassareang ngasemmi mae ri Batara. Rasanna anjo koro'banga lanapakasannangi nyawaNa Batara.

KAIMANGNGANG 6:15

Musti angngallei sikangkang labu' alusu' siagang minynya' kammayatompa sikontu kamanynyanna, nampa natunu irate ri tampa' pakkoro'bangnganga a'jari pammatei angkanaya yangasenna anjo koro'banga le'ba'mi nipassareang mae ri Batara. Rasanna anjo koro'banga napakasannangi nyawaNa Batara.

PAMMILANGNGANG 5:25

Imanga musti naallei anjo passare labuka, siagang napappicinikang mae ri dallekanNa Batara, nampa naerang mae ri tampa' pakkoro'bangnganga.