PAMMILANGNGANG 4:23 - KITTA' MATANGKASA'

²³ Musti nacataki Musa arenna sikontu tu bura'ne umuru' tallumpulo taunga sa'genna limampulo taung, ia akkullea anggaukangi jama-jamanga ri KemaNa Batara.

PAMMILANGNGANG 4:23 Referans Kwoze

PAMMILANGNGANG 4:3

nampa nacata' arenna sikontu tu bura'ne umuru' tallumpulo taunga sa'genna limampulo taung, ia akkullea anggaukangi jama-jamanga ri KemaNa Batara.

2 TIMOTIUS 4:7

Le'ba'ma' sanrapang amminawang appa'lumba sibaji'-baji'na, siagang anrapi'ma' battu mae ri bassika. Tuli anna'gala' majarreka' lalang tappakku mae ri Isa sanggenna kale'bakkanna.

1 TIMOTIUS 1:18

Anakku, Timotius! Kupappirannuangi anne jama-jamanga mae ri kau, lanri kuu'ranginna pappasanNa Allata'ala, napabattua na'bi-na'bia ri tangnga-tangngana jama'aka ri passala'na kalennu. Parallui nupa'jari sanrapang bokong anjo pappasanga, lalang jama-jamang bajika.

GALATIA 5:24

Inai-nai a'jarimo taunNa Almasi, matemi sipa'-sipa' rupatauna siagang sikamma ero' napasu rupatauna.

GALATIA 5:17

Nasaba' assisalai ero'na rupataua siagang ero'Na RohNa Allata'ala; kammayatompa assisalai ero'Na RohNa Allata'ala siagang ero'na rupataua. Assisala rua-ruai; jari takkulleako anggaukangi apa nukaerokia.

2 KORINTUS 6:7

lalang koasaNa Allata'ala nanibirittakang kabara' battua ri Allata'ala; na lanri kammanami anjo nanapappicinikammo ikambe angkanaya ikambe anne ma'nassa atanNaki' Allata'ala. Anna'gala' jarre' maki' mae ri ero'Na Allata'ala. Iaminjo a'jari kagassinganna ikambe untu' langngewa yareka lanjagai kalenta punna battu mae musu lammanrakia.

1 KORINTUS 9:7

Tenanniakka tantara angngongkosi kale-kalei kalenna lalang ri tugasa'na! Tenanniakka tau a'lamung apa-apa natanakanrea anjo wassele' lamung-lamunna! Tenanniakka tau akkatuo sapi natakkullea nainung dadi' battua ri anjo sapi nakatuoa!

1 PATTOTTORANG 23:27

Situru' kala'busang naparentakanga Daud, sikontu tu Lewi umuru' ruampulo taung siagang irateanganna, musti nicataki untu' nisare tugasa'.

1 PATTOTTORANG 23:24

Iaminjo areng-arenna turunganna Lewi, ia niaka nicata' situru' areng kapala pa'rappungang bijanna siagang massing kaluargana ke'nanga. Umuru'na ke'nanga ruampulo taung siagang rateangannaya na nisare tugasa' lalang ri Balla'Na Batara.

1 PATTOTTORANG 23:3

nampa narekeng sikontu tau bura'ne niaka ri suku Lewi, ia umuru' tallumpulo taunga siagang rateangannaya. Yangasenna nia' 38.000 tau.

PAMMILANGNGANG 4:22

ambilangi tu Lewi battua ri golongang bijanna Gerson situru' massing kaluargana ke'nanga.

PAMMILANGNGANG 4:24

Nisarei tugasa' ke'nanga untu' allalingi anne barang-barang kammaya:

PAMMILANGNGANG 8:25

nampa punna narapi'mi limampulo taung nipakabebasa'mi battu ri tugasa'na.