PAMMILANGNGANG 35:12 - KITTA' MATANGKASA'

¹² Anjo taua laamangi anjoreng ri kota-kotaya battu ri larrona bija-bijanna anjo tau mate nabunoa, eroka a'balasa'. Nasaba' anjo tunitudua ambunoi paranna tau takkulleai nibuno punna tenapa nale'ba' niparessa parkarana ri pangadelanna tau jaia.

PAMMILANGNGANG 35:12 Referans Kwoze

YOSUA 20:9

Yangasemmi anjo kota-kota palariang nipattantua untu' sikontu umma' Israel siagang untu' bansa maraeng niaka ammantang ri tangnga-tangngana ke'nanga. Inai-nai ambunoi paranna tau natenaja nakunjungi, akkullei anggappa pa'la'langngang ri anjo kota-kotaya battu ri pangngondanna tau eroka a'balasa' mae ri ia; takkulleai nibuno punna tenapa naniadeli ri dallekanna tau jaia.

2 SAMUEL 14:7

Na kamma-kamma anne, sikontu kaluargana atanta namusui atanta siagang natuntuki atanta sollanna napassareang anjo ana'na atanta ammunoa mae ri ke'nanga, sollanna nahukkung mate ke'nanga anjo anaka, lanri le'ba'na nabuno sari'battanna. Punna napassareangi atanta anjo anaka, amantang mami atanta akkale-kale. Lanaancuruki ke'nanga se're-se'rea panrannuanna atanta. Nampa tenamo sitau ana' bura'ne untu' bura'nenna atanta ampannarrusuki jari-jarina.”

PAMMILANGNGANG 35:19

Bija ma'reppese'na anjo tau mate nabunoa akkullei nagaukang anjo hukkungang matea. Punna nagappai anjo tau ammunoa, akkullei nabuno.

PAMMILANGNGANG 35:13

Pattantui anjo annanga kota palariang,

YOSUA 20:2

akkana kamma anne mae ri tu Israel, “Le'baki Kuparentakang mae ri Musa sollanna napauangko ri passala'na kota-kota palarianga, iamintu kota-kota akkullea nabattui tau laria untu' anggappa pa'la'langngang. Kamma-kamma anne pileimi anjo kotaya.