PAMMILANGNGANG 34:2 - KITTA' MATANGKASA'

² anne parenta-parentaya untu' bansa Israel, “Sinampe' mami nanuntama'mo ri pa'rasangang Kanaan, iamintu pa'rasangang Kupassareanga mae ri kau a'jari butta pisaka. Iaminne pa'baeng-baenna anjo pa'rasanganga.

PAMMILANGNGANG 34:2 Referans Kwoze

PA'JARIANG 17:8

LaKupassareangi mae ri kau siagang mae ri turungannu, anne butta nupammantangia kamma-kamma anne salaku tubattu-battu. Sikontu butta Kanaan lanapatangi ana' cucunna sa'genna satunggu-tungguna, siagang iNakke la'jari Allata'alana ke'nanga.”

PAMMUJI 105:11

Nakana, “Butta Kanaan laKupassareangi mae ri kau, a'jari pisaka nupatanga.”

EFESUS 1:18

Kupalaki ri Allata'ala sollanna Nasungke pikkirannu, sa'genna a'jari singara'; sollanna akkulle nupahang apa akkullea nurannuang battu ri Allata'ala, le'baka angkiokko. Kammayatompa sollanna nuasseng todong antekamma alla'bi-la'bina barakka' baji'Na Allata'ala, le'baka Napasadia untu' umma'Na;

EFESUS 1:14

Iaminjo RohNa a'jari pammatei mattantua, angkanaya ma'nassa lanitarimai apa le'baka Napa'janjiang Allata'ala mae ri umma'Na. Iaminne ampakajarreki tappatta angkanaya ma'nassa laNalappassangi umma'Na Allata'ala. Nipujimi Allata'ala lanri kala'biranNa.

LAMPA-LAMPANA 26:18

untu' ansungkeangi matanna ke'nanga, sollanna akkulle assulu' ke'nanga battu ri sassanga nampa antama' ri singaraka; sollanna ta'lappasa' ke'nanga battu ri pangngajara' salana Billisika, nampa nikoasai ke'nanga ri Allata'ala. Na lanri tappa'na ke'nanga mae ri Nakke, naKupammopporammo dosa-dosana siagang la'jarimi ke'nanga umma'Na Allata'ala nipilea.’ ”

LAMPA-LAMPANA 17:26

Battu ri se'rea tau Nanapa'jari sikontu bansaya, nampa Nasuro ke'nanga ampammantangi sikontu buttaya. Iatommi ampattantui battu ri uru-uruna angkana kemae sa'genna siagang kemaei akkulle ammantang rupataua.

YEHEZKIEL 47:14

Le'ba'Ma' assumpa angkanaya anjo buttaya laKupassareangi mae ri boe-boenu. Lanri kammana anjo, allemi anjo buttaya siagang bagemi siagang adele' massing ri kau.

YEREMIA 3:19

Nakana Batara, “He Israel, erokKa' antarimako a'jari anakKu, siagang assareko pa'rasangang appakasannanga pa'mai', pa'rasangang kaminang bajika ri sikontu linoa. ErokKa' nukio' mangge, siagang tenamo nanula'lampa pole ampilariA'.

PA'JARIANG 10:19

sa'genna luara'na pa'rasanganna ke'nanga iamintu appakkaramula pa'bambaeng-baenna battu ri Sidon a'lampa timboro' sa'genna Gerar, sa'genna ri ampi'na Gaza, siagang a'lampa anrai' mange ri Sodom, Gomora, Adma, siagang Zeboim, sa'genna ri ampi'na Lasa.

PAMMILANGNGANG 34:1

Napassareangi Batara mae ri Musa

YEHEZKIEL 47:13

Nakana Batara Kaminang Tinggia, “Iaminne pa'baeng-baenna butta lanibage-bagea mae ri sampuloa anrua suku Israel. Suku Yusuf annarimai rua bageang.

KALAPPASSANG 23:31

Sikamma pa'baeng-baenna pa'rasangannu laKupattantui battu ri Tamparang Akaba sa'genna mae ri Binanga Efrat, kammayatompa battu ri Tamparang Tangngaya sa'genna mae ri parang lompoa. LaKusareko koasa mae ri pandudu'na anjo pa'rasanganga, sa'genna akkulle nubongka ke'nanga ri wattunnu maju untu' angngallei anjo buttaya.

YOSUA 11:23

Sikontu anjo pa'rasanganga naallei Yosua situru' parentaNa Batara mae ri Musa, nampa nipassareang mae ri bansa Israel untu' napatang ke'nanga. Nibage-bagei anjo pa'rasanganga, na massing-massing sukua anggappai tasse're bageang. Ammarimi bansa Israel a'bundu' siagang amammi nasalewang pa'rasanganna.

YOSUA 13:1

Kamma-kamma anne toa sikalimi Yosua. Nakanamo Batara ri Yosua, “Toa mako Yosua! Mingka jai iji daera musti nualle:

YOSUA 21:43

Kammaminjo naNapassareammo Batara mae ri umma' Israel sikontu butta le'baka Napa'janjiang siagang sumpa mae ri boe-boena ke'nanga. Napantamakkinnamo ke'nanga anjo pa'rasanganga, ammantang tulimi umma' Israel anjoreng.