PAMMILANGNGANG 32:13 - KITTA' MATANGKASA'

¹³ Larroi Batara mae ri bansa Israel sa'genna Nalappassang ke'nanga a'la'ba' a'lampa ri parang lompoa patampulo taung sallona, sa'genna sikontu anjo tau angngewaya mae ri ia mate ngasemmi.

PAMMILANGNGANG 32:13 Referans Kwoze

1 KORINTUS 10:5

Mingka manna nakamma mamo, jaiangangi ri ke'nanga taningaia ri Allata'ala; iaminjo saba'na nasanna' jaina maya'na ke'nanga attambung ri parang lompoa.

PAMMUJI 78:33

Jari Napa'le'ba'mi tallasa'na ke'nanga sanrapang nappasa', cappu'mi taung-taung tallasa'na ke'nanga lalang kamallakkang.

PAMMILANGNGANG 14:32

Sa'dangkang ikau lamate ngasengko anrinni ri parang lompoa.

PAOLE 2:7

U'rangi antekamma bateNa Karaeng Allata'alanu le'ba' ambarakkakiko lalang sikontu apa nugaukanga. Naparakaiko siapa sallonu lalang ri pa'la'bakkannu a'jappa ri anne parang lompoa. Nala'langngiko lalang anne patampulo taunga siagang Nasareko sikontu apa nuparalluanga.

PAMMUJI 107:4

Nia' a'la'bang mange-mange ri parang lompoa, tanaassenga oloang mange ri pammantangnganga ri kotaya.

KALAPPASSANG 16:35

Anjo mannaya a'jari kanrena tu Israel patampulo taung ribokoanganna, sa'genna battu ke'nanga mange ri Kanaan, tampa' pammantangang situlina ke'nanga. (

HAKING-HAKING 2:20

Iaminjo saba'na nasanna'mo larroNa Batara mae ri umma' Israel. Angkanami, “Le'ba'mi Kupassuroang ri boe-boena anne ke'nanga sollanna nata'gala' jarre' anjo parjanjiangKu siagang ke'nanga. Mingka natappu'mi anne bansaya passikko'na anjo parjanjianga, nadakkaimi ke'nanga parentaKu.

PAMMUJI 95:10

Patampulo taungA' ero' ta'langnge anciniki ke'nanga; Kukana: Tamaka tamattantuna nyawana anjo bansaya! Tanajampangiai ke'nanga parenta-parentaKu.

AMOS 2:9

Mingka manna nakamma, he ummakKu, untu' ikaumi naKupanraki tu Amori tinggia kalenna rapang poko' camara siagang kassaka rapang poko' kayu terpentin.

AMOS 2:10

Le'ba' mako Kuerang assulu' battu ri Mesir, siagang Kururunganga allalo ri parang kassika patampulo taung sallona. Buttana tu Amori le'ba'mi Kupassareang mae ri kau a'jari pa'rasangannu.