PAMMILANGNGANG 31:6 - KITTA' MATANGKASA'

⁶ Nasuromi Musa ke'nanga siagang Pinehas ana'na Imang Eleazar mange a'bundu'. Naerangi Pinehas barang-barang matangkasaka siagang sikamma tarompeka untu' assare pammatei.

PAMMILANGNGANG 31:6 Referans Kwoze

PAMMILANGNGANG 14:44

Mingka tuli ero'na anjo tu Israel mange ri coppo'na anjo buluka, manna pole nanabokoi Musa siagang Patti Parjanjianga anjoreng ri pakkemaanga.

2 SAMUEL 11:11

Appialimi Uria angkana, “Tantara Israel siagang Yehuda sitabangi a'bundu' tojeng-tojeng siagang nirurungangi ke'nanga ri Patti ParjanjianNa Batara; Yoab panglimana ikambe siagang sikamma perwiraya niaki akkema ri paranga. Angngapa naanne atanta ammotereki mae ri balla', angnganre angnginung siagang attinro siagang bainenna? Lanri nyawana karaengku siagang lanri nyawana atanta, tena nalanagaukang atanta anjo kammaya!”

1 SAMUEL 23:9

Mingka naassemmi Daud angkanaya appikkiri' ja'dalaki Saul mae ri ia. Lanri kammana anjo nakanamo ri Imang Abyatar, “Erangi anjo efodka mae anrinni.”

1 SAMUEL 14:18

Nakanamo Saul ri Imang Ahia, “Erangi anjo efodka mae anrinni.” (Anjo alloa Ahia angngerangi anjo efodka ri dallekanna tu Israel.)

1 SAMUEL 4:17

Appialimi anjo tungngeranga kabara' angkana, “Larimi tu Israel ambokoi tu Filistin. Nibeta lompoki'. Jai tau mate. Anatta ruaya, iamintu Hofni siagang Pinehas, mate tommi. Nampa Patti ParjanjianNa Allata'ala nirampasa'mi ri musua!”

KALAPPASSANG 25:9

Anjo kemaya siagang pakkakasa'na musti napareki ke'nanga situru' rancana le'baka Kupicinikiangko.”

PAMMILANGNGANG 31:5

Jari nipilemi tassisa'bu tau battu ri massing suku bansana Israel, yangasenna nia' sampulo anrua sa'bu tau, sadia ngaseng ero' a'bundu'.

YOSUA 22:13

Nampa nisuromo Pinehas, ana'na Imang Eleazar, ri umma' Israel a'lampa mange ri suku Ruben, suku Gad siagang suku Manasye bageang rayaya ri daera Gilead.

PAOLE 20:2

Ri tenanapa nanupakaramulai a'bunduka, musti nia' sitau imang maju nampa a'bicara mae ri tantaranu kamma anne,

EZRA 7:5

Abisua Pinehas Eleazar Imang Lompoa Harun.