PAMMILANGNGANG 31:53 - KITTA' MATANGKASA'

⁵³ Mingka anjo tantaraya massing angngallemi battu ri anjo wassele' rampasanga untu' kalenna ke'nanga.

PAMMILANGNGANG 31:53 Referans Kwoze

PAOLE 20:14

Mingka akkullei nualle tubai'-bainea, ana'-anaka, olo'-oloka, siagang apa-apa mamo niaka ri anjo kotaya. Sikontu barang-baranna anjo musunnu akkullei nupake. Karaeng Allata'alanu ampassareangi anjo barang-baranga mae ri kau.

PAMMILANGNGANG 31:32

Pantaranganna le'baka naalle kalenna sikamma tantaraya, anjo wassele' rampasanga jaina iamintu: 675.000 kayunna gimbala' siagang bembe, 72.000 kayunna sapi, 61.000 kayunna keledai siagang 32.000 jaina tulolo.

PAMMILANGNGANG 31:52

Ia battala'na anjo passarena sikamma komandanga iamintu a'biringi ruambilangngang kilo.

PAMMILANGNGANG 31:9

Natahammi tu Israel sikamma tubai'-bainena siagang ana'-ana'na tu Midian, kammayatompa narampasa' ngasemmi sikontu olo'-olo' piarana ke'nanga, siagang sikontu kakalumanynyanganna ke'nanga.

2 PATTOTTORANG 20:25

Jari a'lampami Yosafat siagang ana' buana anrampasaki barang-baranna musua. Jai sikali nagappa ke'nanga olo'-olo' niparakai, pakkakasa', pakeang, siagang barang-barang lompoa anggaranna maraenga. Le'baki napasse're lalang tallungallo anjo barang-baranga, jai iji ammantang barang-barang maraeng, sa'genna nibokoi mami.