PAMMILANGNGANG 31:15 - KITTA' MATANGKASA'

¹⁵ Nakana mae ri ke'nanga, “Angngapa nanulappassang ngaseng anjo sikontu bainea attallasa'?

PAMMILANGNGANG 31:15 Referans Kwoze

1 SAMUEL 15:3

Jari a'lampako siagang bunduki tu Amalek na nuancuru' sikamma apa-apanna ke'nanga. Teako niakki apa-apa nuboli' tassesa. Bunoi sikontu tu bura'nea, bai'-bainea, ana'-anaka, siagang ana' loloa. Kammayatompa sapia, gimbalaka, untaya siagang keledaia.”

YEREMIA 48:10

Nitunrai tau tenaya naero' anggaukangi tugasa' battua ri Batara siagang attojeng-tojeng. Nitunrai tau tenaya nabi'buki pa'danna untu' ammuno.

PAOLE 2:34

Anjo memang wattua niallemi siagang niancuru'mi sikamma kotaya kammayatompa nibunomi sikontu pandudu'na, bura'ne, baine siagang ana'-ana'. Tena niboli' attallasa'.

YEHEZKIEL 9:6

Bunoi sikontu tu bura'nea siagang tubainea, tau toa tau rungka, tau toa siagang ana'-ana'. Mingka tea sikaliko apa-apai sikamma tau niaka pammateinna ri abanna. Appakkaramula mako anrinni, ri anne BallakKu.” Jari napakaramulaimi tugasa'na ke'nanga na nabuno sikamma pamimpinna Israel niaka sitabang ammenteng ri Balla'Na Batara.

YOSUA 11:14

Sikontu pandudu'na anjo kotaya nibuno ngasemmi; tena manna sitau nilappassang attallasa'. Mingka sikontu barang-baranna niaka anggaranna siagang olo'-olo' piarana niallei ri tu Israel nampa nakammai ke'nanga.

YOSUA 10:40

Sikontu anjo pa'rasanganga nibeta ngasemmi ri Yosua. Nabetai anjo sikamma karaenga ri daera pa'monconganga, ri pungku'na bulu'-bulu' irayaya, ri bangkenna moncong-moncong bageang ilauka, kammayatompa ri parang-parang bageang timboroka. Tena manna sitau nalappassang attallasa'; nibuno kabusuki. Anjo kammaya situruki parenta battua ri Batara, Allata'alana Israel.

YOSUA 8:25

Tulusu' naangka'na pokena Yosua a'dalle' mange ri kota Ai, siagang tanapanaungai limanna sa'genna le'ba' ngasemmo nibuno tu Ai. Anjo memang alloa mate ngasemmi sikontu pandudu'na Ai, kira-kira 12.000 tau jaina, bura'ne baine.

YOSUA 6:21

Sikamma tau niaka lalang ri anjo kotaya, tau toa yareka tau rungka, bura'ne yareka baine, nabuno ngasemmi ke'nanga siagang pa'dang. Manna sikontu olo'-oloka kammayami sapi, gimbala', siagang keledai nabuno ngaseng tongi ke'nanga.

PAOLE 20:13

Nampa, punna Nasareko kasampatang Karaeng Allata'alanu untu' angngallei anjo kotaya, musti nubuno ngasengi sikamma tu bura'nena anjo kotaya.

PAMMILANGNGANG 31:14

Nakalarroimi Musa sikamma komandang tantaraya, kapala pasukanga siagang komandang regua ia beru ammotereka battu a'bundu.

PAOLE 20:14

Mingka akkullei nualle tubai'-bainea, ana'-anaka, olo'-oloka, siagang apa-apa mamo niaka ri anjo kotaya. Sikontu barang-baranna anjo musunnu akkullei nupake. Karaeng Allata'alanu ampassareangi anjo barang-baranga mae ri kau.