PAMMILANGNGANG 30:8 - KITTA' MATANGKASA'

⁸ Mingka punna nipisangkai ri bura'nenna ri wattunna nalangngere' anjo passalaka, tena natassikko' ri anjo tinja'na yareka janjinna. Lanipammopporangi ri Batara.

PAMMILANGNGANG 30:8 Referans Kwoze

PA'JARIANG 3:16

Nampa Nakana Batara mae ri anjo bainea, “LaKutambai pa'risi'nu ilalang attianannu siagang ri wattunnu ammana'. Mingka manna nakamma, latuli lompo cinnako mae ri bura'nennu, siagang latuli amminawang turukko ri ia.”

1 KORINTUS 14:34

musti a'mereki tu bai'-bainea punna a'rappungangi jama'aka. Tanikellaiyai ke'nanga a'bicara. Takkulleai ke'nanga a'jari pamimping; kammaminjo ero'na hukkung agamaya.

1 KORINTUS 7:4

Bainea tena nakalenna koasa mae ri tubuna; mingka ia koasaya mae ri tubuna iamintu bura'nenna. Kammayatompa, bura'nea tena nakalenna koasa mae ri tubuna; mingka ia koasaya mae ri tubuna iamintu bainenna.

KAIMANGNGANG 5:4

Punna nia' tau anggaukangi kasalanga lanri assumpa sambarangangi untu' anggaukangi apa-apaya, nampa ri boko nasadari anjo kasalanna.

PAMMILANGNGANG 30:5

Mingka punna ri wattu nalangngere'na manggena nakabattallangi anjo passalaka, anjo tuloloa tena nanisikkoki ri tinja'na siagang janjinna. Lanipammopporangi ri Batara, lanri nipisangkaina ri manggena.

PAMMILANGNGANG 30:9

Punna nia' sitau janda yareka baine le'bakamo nisa'la' ri bura'nenna attinja' yareka a'janji, tassikkoki kalenna ri anjo janjia, yareka tinjaka, siagang musti narupai.

1 SAMUEL 1:23

Appialimi Elkana angkana, “Baji'mi, gaukammi apa nukanaya baji' ri pikkirannu. Ammantang mako ri balla' sa'genna narapi' wattunna nusa'la' anynyusu anatta. Siagang tapporo Napa'rupa laloi Batara janjinnu.” Jari ammantammi Hana ri balla' sa'genna narapi' wattunna akkulle nisa'la' anynyusu ana'na.

YEREMIA 44:19

Nampa nakana anjo sikamma tubai'-bainea, “Bura'nenna ikambe nasitujui punna appare' ikambe roti kammaya Ratu Suruga pare'na siagang attunu koro'bang kammayatompa assare koro'bang anggoro' mae ri anjo rewatana ikambe.”