PAMMILANGNGANG 29:7 - KITTA' MATANGKASA'

⁷ Ri tanggala' sampulo bulang tuju musti asse're ngasengko untu' anggaukangi ibadaya. Anjo alloa musti appuasako siagang takkulleako anjama.

PAMMILANGNGANG 29:7 Referans Kwoze

ROMA 6:6

Niassemmi angkanaya nipasibunomi sipa'-sipa' kodi rupatauta salloa ri wattunna nibuno Isa ri kayu sallika, sollanna a'jari ancuru' koasana sipa'-sipa' kodita; lanri kammana, tenamo nanapare' ataki' dosaya.

MATIUS 5:4

Mate'nei tau susaya pa'mai'na; nasaba' iami lanisaleori ri Allata'ala!

ZAKHARIA 12:10

Nampa jari-jarina Daud siagang pandudu'na Yerusalem laKupa'jari tunangai mangngamaseang pa'mai'na siagang nangai appala' doanga. Lanaciniki ke'nanga anjo tau le'baka nacoka ke'nanga, nampa nakarruki rapang tau angkarruki ana' sitau-tauna matea. Langngarruki ke'nanga pacce pa'mai'na, rapang tau ammoteranga ana' bungasa'na.

YESAYA 22:12

Anjo wattua laNasuro ngasengko Batara Kaminang Tinggia siagang Kaminang Makoasaya angngarru' siagang appiraung, ancukkuruki uu'nu siagang ammake kaeng karung.

EZRA 8:21

Nampa kupa'la'bammo kupau anjoreng ri biring Binanga Ahawa angkana sikontu taua musti appuasai siagang napakatunai kalenna ri dallekanNa Allata'ala. Appala' doammi ikambe sollanna nipimping ikambe ri Allata'ala lalang ri anjo pa'jappanga, siagang Najagai ikambe, ana'-ana'na ikambe, siagang sikontu barang-baranna ikambe.

1 KORINTUS 9:27

Kupassareangi kalengku nilati terasa' sa'gengku akkulle a'jari kassa'. Ia nakuappakamma anjo sollanna tena nakajariang angkanaya inakke angkioki taua amminawang appa'lumba nakalengku nisorongboko.

LUKAS 13:5

Tena sikali! Sikalipi pole Kupauangko angkanaya: Punna tena nutoba' battu ri dosa-dosanu, lamate kamma ngaseng tongko anjo ke'nanga.”

LUKAS 13:3

Tena sikali! Mingka u'rangi, angkanaya: punna tena nutoba' battu ri dosa-dosanu, lamate kamma ngaseng tongko anjo ke'nanga.

PAMMUJI 35:13

Ri wattunna garring ke'nanga, si'nai pa'maikku kutangnganrea; appala' doanga', kupadundu ulungku,

LAMPA-LAMPANA 27:9

Anjo wattua allalomi Allo Lompo Passiamakkanna tu Yahudia. Jai sikalimi wattu tappela', sa'genna tabajikami nisa'ring wattua assombala'. Jari nipakainga'mi ke'nanga ri Paulus, angkana,

ZAKHARIA 7:3

Nisuro tommi ke'nanga akkuta'nang mae ri sikamma imanga siagang sikamma na'bia kamma anne, “Maka paralluiji ikambe angkarruki kaancuranna Balla'Na Batara iamintu appuasa ri tunggala' bulang makalima sangkamma le'baka nagaukang ikambe attaung-taung sallona allaloa?”