PAMMILANGNGANG 29:17 - KITTA' MATANGKASA'

¹⁷ Ri allo makaruaya passareangi sampulo anrua kayunna sapi laki rungka, ruang kayu gimbala' laki, siagang sampulo angngappa' ana' gimbala' laki umuru' tassitaunga, massing tenaya ngaseng callanna.

PAMMILANGNGANG 29:17 Referans Kwoze

IBRANI 8:13

Lanri appare'namo Allata'ala passijanjiang beru, a'jari toami siagang rotto'mi anjo passijanjiang rioloa; na anjo apa toayamo, tasalloami nalanynya'.

ROMA 12:1

Sikamma sari'battangku! Sanna' baji'Na Allata'ala mae ri katte. Iaminjo saba'na nakupala' dudu ri kau ngaseng sollanna nupassareang sikontu batangkalennu a'jari koro'bang attallasa', siagang matangkasaka, kammayatompa nikarannuanga ri atinNa Allata'ala. Mustina kammaminjo caranu anynyomba mae ri Allata'ala.

HOSEA 6:6

Kungaiangngangi punna tappakko siagang mangngamaseangko ri Nakke, naia punna attunuko siagang assareko koro'bang mae ri Nakke.

YESAYA 1:11

Nakana Batara, “Nukapangi angkana Kungai sikontu anjo passare tulusu' nupassareanga mae ri Nakke? LanreA' mae ri sikamma gimbala' koro'bang nitununu siagang ri jannana sikamma ana' sapinu. Tena Kungai cera' sapi lakia, gimbalaka siagang bembea.

PAMMUJI 69:31

Kulamammuji mae ri Allata'ala siagang kelong-kelong, kupakalompoi lalang kelong-kelong appala' sukkuru'.

PAMMUJI 40:6

O, Batara, tamaka jaina bate paretTa mae ri kambe, o, Batara Allata'alaku, iKatte tena sangkammanTa! Tamaka jaina rancana appakalannasatTa mae ri kambe, tena olona lakkulle nicarita ngaseng.

PAMMILANGNGANG 29:13

Ri allo makase'rea passareangi mae ri Batara koro'bang nitunua iamintu sampulo antallu kayunna sapi laki, ruang kayu gimbala' laki rungka, siagang sampulo angngappa' kayunna ana' gimbala' laki umuru' tassitaunga, massing tenaya ngaseng callanna. Rasanna anjo koro'banga napakasannangi nyawaNa Batara.

KALAPPASSANG 12:5

Akkullei nupile gimbalaka yareka bembea, mingka musti lakia, umuru' sitaung, siagang tenaya callanna.