PAMMILANGNGANG 28:22 - KITTA' MATANGKASA'

²² Passareang tongi sikayu bembe laki untu' koro'bang pammopporang dosa. Kammaminjo caranu anggaukangi upacara pannangkasi dosana ummaka.

PAMMILANGNGANG 28:22 Referans Kwoze

ROMA 8:3

Apa tenaya nakkulle nagaukang hukkung-hukkung agamaya, lanri lammana batangkalenta ikatte rupataua, iaminjo le'ba' Nagaukang Allata'ala. Le'ba'mi Nabeta Allata'ala koasana dosaya lalang ri sipa'na rupataua; iamintu lalang Nasurona battu Ana' KalenNa, le'bakamo battu sanrapang rupatau dorakaya, sollanna Natangkasi dosa-dosata.

GALATIA 4:4

Mingka ri wattunna narapi' baji'mo wattunna, Nasuromi Ana'Na Allata'ala antama' ri anne linoa. Nilassukammi anjo ana'Na ri se'reang baine, nattallasa'mo irawangang kakoasanna hukkung agamaya.

KAIMANGNGANG 16:18

musti assuluki Harun siagang a'lampa mange ri tampa' pakkoro'bangngang koro'bang nitunua untu' ampakatangkasaki anjo tampa' pakkoro'bangnganga. Musti angngallei sike'de' cera'na sapia siagang cera'na bembea nampa napasapu ri tanru'-tanru' niaka ri sikamma panyingkulu'na anjo tampa' pakkoro'bangnganga.

PAMMILANGNGANG 28:21

kammayatompa sikilo untu' tunggala' tassikayua ana' gimbala' laki.