PAMMILANGNGANG 27:17 - KITTA' MATANGKASA'

¹⁷ Sitau akkullea a'jari panglima punna a'bundu' ke'nanga. Teaki' lappassangngi anne ummatTa sanrapang gimbala' tenaya pakalawakinna.”

PAMMILANGNGANG 27:17 Referans Kwoze

YEHEZKIEL 34:5

Lanri tenana pakalawakinna, anjo gimbalaka tassiara'mi na nikanre ri olo'-olo' sekke'.

MARKUS 6:34

Wattunna naung Isa battu ri biseanga, Nacini'mi anjo tau jaia. Tu'guru'mi pangngamaseanNa anciniki ke'nanga, lanri sanrapangi ke'nanga gimbala' tenaya pakalawakinna. Jari appakkaramulami Naajara' ke'nanga a'rupa-rupa pangngajarang.

1 KARAENG-KARAENG 22:17

Appialimi Mikha angkana, “Kuciniki tantara Israel tassiara' tena silolongang ri moncong-monconga. Sanrapangi ke'nanga gimbala' tenaya pakalawakinna, siagang Nakana Batara ri sesena ke'nanga, ‘Anne taua ngaseng tena pamimpinna. Lappassammi ammotere' ke'nanga siagang salama'.’ ”

MATIUS 9:36

Na ri wattunna Nacini' ngaseng Isa anjo tau jaia, tu'guru'mi pangngamaseanNa. Lanri sanrapangi ke'nanga gimbala' tappelaka siagang dodonga lanri tenana pakalawakinna.

ZAKHARIA 10:2

Appalaki pangngunju' sikamma taua mae ri barhala-barhalaya siagang ri sikamma pacinika, mingka sikamma anjo pangngunju' nagappaya ke'nanga sangnging balle-balle siagang bicara kosonji bawang. Nia' ambattuangngi so'naya, mingka anjo battuang napakasingaraka ke'nanga poro lanapakalingu ngaseng jako; siagang anjo panynyaleori napassareanga tena battuanna. Lanri kammana anjo natassimbung-simbung ra'yaka sanrapang gimbalaka. Tenamo nasilolongang ke'nanga lanri tena pamimpinna.

2 PATTOTTORANG 1:10

Lanri kammana anjo, poro Kisare laloa' kacara'dekang baji' siagang pangngassengang kuparalluanga untu' ampimpingi ke'nanga. Punna tena nakamma, antemi kamma bateku lakulle amparentai anne ummatTa lompo kammaya?”

PAOLE 31:2

angkana, “Kamma-kamma anne sibilangngammi anruampulo taung umurukku siagang tenamo nakukkulle a'jari pamimping mae ri kau ngaseng. Pantaranganna anjo, le'ba'mi pole Nakana Batara mae ri nakke angkanaya takkullea' allimbangi Binanga Yordan.

1 KARAENG-KARAENG 3:7

O Batara, Allata'alaku, Kiangkaka' a'jari karaeng ansambeangi manggeku, manna kurungka dudu ija siagang takuassengapi angkanaya antekamma carana ammarenta.

1 SAMUEL 18:13

Jari nasuromi a'lette' Daud battu lalang ri balla' karaenga, nampa naangka' a'jari komandang ri sisa'bu tantara. Lanri kammana a'jarimi Daud pamimping pasukang lalang sikamma pa'bundukanga.

1 SAMUEL 8:20

Eroki ikambe sangkamma bansa-bansa maraenga. Karaenna ikambe musti ammarentai siagang napimpingi ikambe lalang ri pa'bundukanga.”

1 PETRUS 2:25

Riolo sanrapangko gimbala' tappelaka, mingka kamma-kamma anne le'ba' mako nierang ammotere' untu' amminawang ri Pakalawakinnu siagang Pammarakainna nyawanu.

YOHANES 10:9

INakkemi timungang. Inai-nai ammalo battu ri Nakke antama', iami lanipasalama'; assulu' antamai nanggappa kanre.

MATIUS 15:24

Appialimi Isa ri anjo bainea, Nakana, “INakke nisuro mangejA' bawang ri bansa Israelka, la'biangampa ri tau sala oloanga.”

MATIUS 10:6

Mingka a'lampamako mange ri tu Israelka, mange ri tau sala oloanga ri katallassanna.

ZAKHARIA 13:7

Nakana Batara Kaminang Koasaya, “Ammentengko nai' he pa'dang, nampa nubuccu' pakalawaki anjamaya untu' iNakke! Bunoi, natassimbung-simbung sikamma gimbalaka. LaKubunduki ummakKu,

2 PATTOTTORANG 18:16

Appialimi Mikha angkana, “Kuciniki tantarana Israel tassimbung-simbung irate ri moncong-monconga. Rapangi ke'nanga gimbala' tenaya pakalawakinna; Nakana Batara ri passala'na ke'nanga, ‘Anne taua tena pamimpinna. Lappassammi ammotere' ke'nanga siagang salama'.’ ”

2 SAMUEL 5:2

Battu rioloji, ba'lalo ri wattu ammarentana ija Saul mae ri kambe, ikatte tonji karaeng ampimpingi tantarana Israel punna maju mange a'bundu'. Nampa pole le'ba'mi a'janji Batara mae ri katte angkanaya ikattemi lampimpingi umma'Na siagang la'jari karaeng mae ri ke'nanga.”