PAMMILANGNGANG 26:65 - KITTA' MATANGKASA'

⁶⁵ Le'ba'mi Nakanang Batara angkanaya lamate ngasengi ke'nanga ri parang lompoa. Na memang mate ngasengi ke'nanga, pantaranganna Kaleb ana'na Yefune siagang Yosua ana'na Nun.

PAMMILANGNGANG 26:65 Referans Kwoze

PAMMILANGNGANG 14:38

Battu ri anjo sampuloa anrua mata-mata, poro Yosua siagang Kaleb bawang ammantang attallasa' ija.

ROMA 11:22

Jari anrinni akkullei nicini' antekamma baji'Na Allata'ala, mingka akkulle tongi nicini' antekamma terasa'Na. Sanna' terasa'Na mae ri tau dorakaya, mingka sanna' baji'Na mae ri kau ngaseng – assala' tuli tutuko attallasa' battu ri kabajikanNa. Nasaba' punna tena, ma'nassa lanipela' tongko.

PAMMILANGNGANG 14:35

AssumpA' angkanaya laKugaukangi anjo passalaka mae ri kau tau ja'dalaka, assikongkoloka untu' angngewA'. Lamate ngasengko anrinni ri parang lompoa. INakke, Batara, le'ba' angkanangi anne.’ ”

YUDAS 1:5

Yangasenna anjo nuasseng ngasemmi. Mingka, erokko kupakainga' ri passala' antekamma bateNa Batara ampasalamaki umma' Israel battu ri butta Mesir; mingka ribokoanganna Nabunoi sikamma tau tenaya natappa' ri alla'na ke'nanga.

KALAPPASSANG 12:37

A'lampami tu Israel a'jappa bangkeng battu ri kota Raamses mange ri kota Sukot. Ia jaina ke'nanga iamintu 600.000 tau, tanirekengapi bai'-bainea siagang ana'-anaka.

PAMMILANGNGANG 14:26

Nakanamo Batara mae ri Musa siagang Harun,

PAMMILANGNGANG 14:32

Sa'dangkang ikau lamate ngasengko anrinni ri parang lompoa.

PAMMILANGNGANG 27:3

“Matei manggena ikambe ri parang lompoa na tena ana'na bura'ne. Ia tena namminawang ri Korah ri wattunna angngewa Korah ri Batara. Anjo manggena ikambe matei lanri dosana tonji.

PAMMILANGNGANG 34:19

Na ia areng-arenna anjo taua iamintu: Suku Pamimping Yuda Kaleb ana'na Yefune Simeon Samuel ana'na Amihud Benyamin Elidad ana'na Kislon Dan Buki ana'na Yogli Manasye Haniel ana'na Efod Efraim Kemuel ana'na Siftan Zebulon Elisafan ana'na Parnah Isakhar Paltiel ana'na Azan Asyer Ahihud ana'na Selomi Naftali Pedael ana'na Amihud

PAOLE 1:36

I Kalebji bawang, ana'na Yefune lantama', lanri tuli majarre'na tappa'na mae ri Nakke. LaKupassareangi mae ri Kaleb siagang jari-jarina anjo pa'rasangang le'baka a'la'ba' najappai.’

YOSUA 5:4

Ri wattunna assulu' tu Israel battu ri Mesir, sikontu tu bura'nea le'ba' ngasemmi nisunna'. Mingka ri wattunna a'lampa ke'nanga alla'bang ri parang kassika patampulo taung sallona, manna sitau ana'-ana' bura'nea tania' nisunna'. Na ri wattunna kala'busanna anjo wattu patampuloa taung, sikamma tu bura'ne umuru' akkulleamo a'jari tantara ri wattunna assulu' ke'nanga battu ri butta Mesir, mate ngasemmi, lanri tenana namannuruki ri parentaNa Batara. Jari situru' sumpaNa Batara, tena Nanipa'biangi ke'nanga anciniki anjo pa'rasangang kalumanynyanga siagang butta coppong Napa'janjianga Batara mae ri boe-boena ke'nanga.

PAMMUJI 37:9

Saba' lanipa'lanynyaki tau a'gau' ja'dalaka, mingka tu manrannuanga ri Batara lanawarisiki anjo buttaya.